Էրեբունի բժշկական կենտրոն
1
1
Անոթային և լազերային վիրաբուժության բաժանմունք
Ընդհանուր նկարագրություն
Անոթային և լազերային վիրաբուժության բաժանմունքում իրականացվում է աորտայի, մագիստրալ զարկերակների և երակների տարբեր ախտահարումներով հիվանդների բուժում: Առաջնահերթ խնդիրներից է աորտայի, նրա ճյուղերի և վերջույթների զարկերակների աթերոսկլերոտիկ ախտահարման բուժումը: «Էրեբունի» ԲԿ հսկա տեխնոլոգիական զինանոցը հնարավորություն է տալիս կատարել ներկայում ամենաառաջադեմ ախտորոշիչ հետազոտություններն ու վիրահատությունները:
Աորտայի ամենաահարկու հիվանդություններից է աորտայի անևրիզման, որն իրենից ներկայացնում է նրա պատի սահմանափակ լայնացումը կամ ամբողջ աորտայի տարածուն մեծացումը: Տարբեր հեղինակների տվյալներով, չվիրահատված հիվանդների ավելի քան 60%-ը մահանում է որովայնային աորտայի անևրիզմայի ախտորոշման առաջին 1-2 տարիների ընթացքում՝ նրա պատռվածքի հետևանքով: Հիվանդության ամենաբնորոշ ախտանիշներն են որովայնի շրջանում բութ և նվացող ցավերը: Ցավերը կարող են կրել մշտական կամ պարբերական բնույթ՝ առավելապես տեղակայվելով պորտի կամ որովայնի ձախ կեսի շրջանում, հաճախ ճառագայթվելով դեպի գոտկային շրջան: Տվյալ ախտաբանության համար ամենամատչելի և հուսալի, հիվանդների համար ամենաանվտանգ մեթոդն ուլտրաձայնային հետազոտությունն է: Վերջնական ախտորոշումը հաստատվում է կոնտրաստ անգիոգրաֆիայի ՀՏ տվյալներով: Տվյալ ախտաբանության հայտնաբերման դեպքում իրականացվում է վիրահատական բուժում՝ աորտայի անևրիզմայի ռեզեկցիա և սինթետիկ պրոթեզով պրոթեզավորում: Վիրահատական բուժման համար տարիքային հակացուցում չկա:
Քնային զարկերակների նեղացման դեպքում նույնպես հաջողությամբ իրականացվում են միջամտություններ՝ զակերակի պլաստիկայով կարոտիդային էնդարտերէկտոմիա, էվերսիոն էնդարտերէկտոմիա, որոնց շնորհիվ հիվանդների մոտ նվազում է կաթվածների զարգացման ռիսկը:
Ստորին վերջույթների զարկերակների խցանող աթերոսկլերոզն արտահայտվում է «ընդմիջվող կաղության» ախտանիշով, այսինքն, քայլքի ժամանակ ձկնանման մկաններում ցավերի առաջացմամբ և հանգստի ժամանակ՝ անհետացմամբ: Սա ստորին վերջույթների զարկերակների կամ աորտայի բիֆուրկացիայի խցանմանը բնորոշ ախտանիշ է: Ձեռքերում նմանատիպ ցավերի առկայությունը վկայում է վերին վերջույթների զարկերակների ախտահարման մասին:
Աստիճանաբար հարաճելով՝ հիվանդությունը կարող է բերել վերջույթի փտախտի: Այդ պատճառով շատ կարևոր է ախտորոշման և բուժման նպատակով պացիենտների՝ բժիշկներին ժամանակին դիմելը: Տվյալ ախտաբանության բուժման նպատակով տարբեր ռեկոնստրուկտիվ վիրահատություններ են իրականացվում աորտայի, զստային և ոտքերի զարկերակների վրա:
Ստորին վերջույթների երակային համակարգում թրոմբոզների առկայության և թրոմբի միգրացիայի բարձր ռիսկի դեպքում կիրառվում է ժամանակավոր կամ մշտական կավա-ֆիլտրի տեղադրում: Այս միջամտությունը թույլ է տալիս հաջողությամբ կանխել մահացու վտանգավոր թոքային զարկերակի թրոմբոէմբոլիան:
Ստորին վերջույթների երակների վարիկոզ լայնացումը մարդու երակային համակարգի ամենատարածված հիվանդություններից է: Հիվանդների 15-20%-ի մոտ, վարիկոզ հիվանդության ուշ փուլերում, առաջանում են տրոֆիկ խոցեր, վարիկոզ էկզեմա, թրոմբոֆլեբիտներ: Վարիկոզ հիվանդության զարգացման դեպքում բուժման արմատական եղանակը վիրահատությունն է՝ կոսմետիկ մաշկային կարերի տեղադրմամբ:
Որպես բուժման այլընտրանքային եղանակ հաճախ դիտարկվում է ֆլեբոսկլերոզացնող թերապիան և պերկուտան լազերային կոագուլացիան, որոնք իրականացվում են փոքր տրամաչափի անոթների վրա, քիչ տրավմատիկ են, իրականացվում են ամբուլատոր և, սովորաբար, լավ կոսմետիկ արդյունք են ապահովում:
Բաժանմունքում կիրառվում է ենթամաշկային երակների ներերակային լազերային կոագուլացիան, որը հնարավորություն է տալիս կատարել լիարժեք վիրահատություն՝ առանց կտրվածքների, հասնելով առավելագույն կոսմետիկ արդյունքի: Երկու մեթոդների խելամիտ համակցումը հնարավորություն է տալիս առավելագույն իրացնել նրանց դրական կողմերը:
Բացի այդ, վարիկոզ հիվանդության վաղ շրջանում բաժանմունքում լայնորեն կիրառվում է տվյալ հիվանդության բուժման անարյուն եղանակը՝ թափածակված երակների պունկցիոն լազերային կոագուլյացիա:
Կատարվող միջամտությունների սպեկտրը. 
Վիրահատություններ աորտայի վրա.
- աորտաազդրային բիֆուրկացիոն շունտավորում/պրոթեզավորում,
- աորտայի գծային պրոթեզավորում ,
- թրոմբէկտոմիա՝ աորտայից :
Վիրահատություններ քնային զարկերակների վրա.
- կարոտիդային էնդարտերէկտոմիա ,
- քնային զարկերակների դեֆորմացիայի վերացում ,
- հեմոդեկտոմայի հեռացում:
Վիրահատություններ զարկերակների հիվանդությունների ժամանակ.
- թրոմբէնդարտէկտոմիա,
- էմբոլէկտոմիա,
- զստային/աորտա-ազդրային շունտավորում,
- ազդր-ենթածնկային շունտավորում,
- արտաանատոմիկ շունտավորում,
- վիրահատություններ պերիֆերիկ և ընդերային զարկերակների անևրիզմաների ժամանակ,
- սիմպատէկտոմիաներ:
Վիրահատություներ մշտական անոթային հասանելիության համար.
- պորտա-կավայի իմպլանտացիա,
- դիալիզային հիվանդներին զարկերակ-երակային բերանակցումներ,
- դիալիզային հիվանդներին զարկերակ-երակային շունտեր/պրոթեզավորում:
Վիրահատություններ երակային թրոմբոզների ժամանակ.
- կավա-ֆիլտրի իմպլանտացիա,
- թրոմբէկտոմիա,
- երակի հեռացում:
Միջամտություններ երակային ախտաբանության ժամանակ.
- ներերակային լազերային կոագուլյացիա,
- պերկուտան լազերային կոագուլյացիա,
- երակի հեռացում,
- մինիֆլեբէկտոմիա,
- սկլերոթերապիա,
- երակային գերճնշմամբ պայմանավորված քրոնիկական կոնքային ցավերի վիրաբուժություն:
Արամ Բադալյան
Գրել նամակ
«Էրեբունի» ԲԿ անոթային և լազերային վիրաբուժության ծառայության ղեկավար
անոթաբան
բ.գ.թ.
|
| Անոթային վիրաբուժության ծառայության գնացուցակ | ||
| 01.06.2018 թ. | ||
| Կոդ | Նախազննումներ | Արժեքը (դրամով) |
| 3004 001 | Բաժնի վարիչի (ծառայության ղեկավարի) նախազննում | 10,000 |
| 3004 002 | Բժշկի նախազննում | 5,000 |
| 3004 023 | Անոթային կոնսերվատիվ բուժում | 170,000 |
| Կոդ | Բժշկական օգնության և սպասարկման տեսակները | Արժեքը (դրամով) |
| 3004 024 | Անոթային փոքր միջամտություններ /տեղային անզգայացմամբ/ | 150,000 |
| 3004 025 | Անոթային փոքր միջամտություններ /ընդհանուր անզգայացմամբ/ | 185,000 |
| 3004 026 | Վենէկտոմիա միակողմանի | 360,000 |
| 3004 027 | Վենէկտոմիա երկկողմանի | 460,000 |
| 3004 028 | Կրոսէկտոմիա ներերակային լազերային կոագուլյացիա մինիֆլեբէկտոմիա /1 վեջույթ/ | 390,000 |
| 3004 029 | Կրոսէկտոմիա ներերակային լազերային կոագուլյացիա մինիֆլեբէկտոմիա /2 վեջույթ/ | 510,000 |
| 3004 030 | Թրոմբէկտոմիա, էնդարտերէկտոմիա, սիմպատերէկտոմիա | 400,000 |
| 3004 031 | Վիրահատություններ պերեֆերիկ զարկերակների վրա | 560,000 |
| 3004 032 | Վիրահատություններ մագիստրալ զարկերակների վրա | 650,000 |
| 3004 033 | Որովայնային աորտայի պրոտեզավորում / շունտավորում (առանց պրոտեզի արժեքի) | 800,000 |
| 3004 034 | Խոշոր անոթների վիրահատություններ, կրծքային և գոտկային սիմպատէկտոմիաներ, լինտոնի վիրահատություն (Պետության մասնակցություն) | 170,000 |
| 3004 035 | Ազդրա-ազդրային խաչաձև, ազդրա-ենթածնկափոսային և պերիֆերիկ զարկերակների շունտավորում (Պետության մասնակցություն) | 212,500 |
| 3004 036 | Որովայնային աորտայի անևրիզմայի վիրահատություններ, Լևրիշի համախտանիշ (առանց պրոթեզի) (Պետության մասնակցություն) | 340,000 |
| 3004 550 | Ուղեկցող I աստիճանի սոմատիկ քրոնիկական հիվանդությունների դեպքում վիրահատության, բուժման արժեքին ավելանում է | 40,000 |
| 3004 551 | Ուղեկցող II աստիճանի սոմատիկ քրոնիկական հիվանդությունների դեպքում վիրահատության, բուժման արժեքին ավելանում է | 80,000 |
| 3004 552 | Ուղեկցող III աստիճանի սոմատիկ քրոնիկական հիվանդությունների դեպքում վիրահատության, բուժման արժեքին ավելանում է | 120,000 |
| 3004 553 | Ուղեկցող IV աստիճանի սոմատիկ քրոնիկական հիվանդությունների դեպքում վիրահատության, բուժման արժեքին ավելանում է | 160,000 |
| 3004 500 | Լրացուցիչ դեղորայքի փոխհատուցում, ըստ փաստացի կատարված ավել ծախսի | 1,000 |
| 3004 501 | Լրացուցիչ դեղորայքի փոխհատուցում, ըստ փաստացի կատարված ավել ծախսի 1 | 5,000 |
| 3004 502 | Լրացուցիչ դեղորայքի փոխհատուցում, ըստ փաստացի կատարված ավել ծախսի 2 | 10,000 |
| 3004 554 | Վիրակապարանում տարբեր տեսակի փոքր վիրահատական միջամտություններ | 15,000 |
| 3004 555 | Վիրակապարանում տեղային անզգայացման տակ կատարվող միջին ծանրության վիրահատական միջամտություններ | 45,000 |
| ՀՀ Առողջապահության նախարարի 27.01.2011թ.N 91-Ա հրամանով հաստատված համավճար* | ||
| 3004 005 | Սուր թրոմբոզներ և թրոմբոէմբոլիաներ(բացառությամբ թութքի)/միայն վիրահատությամբ ավարտված դեպքերը/ | 120,000 |
| 3004 006 | Վիրահատություններ վերջույթների, դրանց սեգմենտների, առանձին օրգանների լրիվ և ոչ լրիվ անդամահատումների ժամանակ | 120,000 |
| 3004 007 | Վիրահատություններ վերջույթների, դրանց սեգմենտների, առանձին օրգանների լրիվ և ոչ լրիվ անդամահատումների ժամանակ (բարդություններով և/կամ ուղեկցող հիվանդություններով) | 160,000 |
| 3004 008 | Սուր թրոմբոզներ և թրոմբոէմբոլիաներ(բացառությամբ թութքի)/միայն վիրահատությամբ ավարտված դեպքերը/ (բարդություններով և/կամ ուղեկցող հիվանդություններով) | 160,000 |
| 3004 010 | Վիրահատություններ անոթային անևրիզմաների պատռվածքների և շերտազատումների (առանց պրոտեզների արժեքի) | 300,000 |
| Վճարովի հիվանդասենյակների արժեքը | ||
| Կոդ | Հիվանդասենյակ | Արժեքը (դրամով) |
| 3004 037 | 801 | 12,000 |
| 3004 038 | 802 | 12,000 |
| 3004 039 | 803 | 12,000 |
| 3004 040 | 806 | 12,000 |
| 3004 041 | 807 | 12,000 |
| 3004 042 | 808 | 7,000 |
| 3004 043 | 809 | 7,000 |
| 3004 044 | 810 | 7,000 |
| 3004 045 | 811 | 7,000 |
| 3004 046 | 812 | 7,000 |
| 3004 047 | 813 | 7,000 |
