«Էրեբունի» բժշկական կենտրոն
Medical Journal Erebouni

Միջուկային բժշկության եվրոպական կենտրոն

Ընդհանուր նկարագրություն

Միջուկային բժշկությունն առողջապահության  ամենանորարարական  ուղղությունն է ամբողջ աշխարհում, որի  միջոցով այսօր արդեն  բուժելի են  այնպիսի  խնդիրներ, որոնք նախկինում անհնար էին թվում, այդ թվում՝ ուռուցքային մի շարք հիվանդություներ: Հաշվի առնելով այս հանգամանքը, ինչպես նաեւ հատկապես այն փաստը, որ  Հայաստանում վահանաձև գեղձի հիվանդությունները խիստ տարածված են,  «Էրեբունի» ԲԿ-ում բացվեց  Միջուկային բժշկության եվրոպական  կենտրոն:

Կենտրոնի  գլխավոր ուղղություններից է վահանաձև գեղձի հիվանդությունների, մասնավորապես չարորակ ուռուցքների ախտորոշումը եւ բուժումը: Բուժումն իրականացվում է ռադիոակտիվ յոդի միջոցով՝ հատուկ  կապարապատված հիվանդասենյակներում, եվրոպական չափորոշիչներին համապատասխան:Կենտրոնն  ունի մեկուսացված 4 հիվանդասենյակ, յուրաքանչյուր հիվանդասենյակ ունի  առանձին կոյուղի, օդափոխման հատուկ  համակարգ: Ամբողջությամբ լուծված են  անվտանգության խնդիրները թե բուժանձնակազմի, թե հիվանդների համար: Կենտրոնում միաժամանակ կարող է բուժվել 6 հիվանդ:

 

Կենտրոնն աշխատում է  գերժամանակակից սարքավորումներով,  այդ թվում՝ գերմանական  SIEMENS ընկերության արտադրության Գամմա խցիկով,  (SPECT), որը  աշխարհում միջուկային բժշկության մեջ կիրառվող նորագույն ախտորոշիչ սարք է:


Այն հնարավորություն է տալիս հայտնաբերել  ոչ միայն վահանաձև գեղձի, այլև մյուս օրգանների   ուռուցքային հիվանդությունները,  ինչպես նաև սրտանոթային և ոսկորային խնդիրները:

Հետազոտություններն իրականացվում են ռադիոակտիվ իզոտոպներով: «Էրեբունի» ԲԿ-ն   պայմանագիր է ստորագրել իզոտոպ արտադրող եվրոպական   ամենամեծ գործարաններից մեկի հետ, որտեղից էլ բերվելու են դեղերը:

Հաշվի առնելով բժշկության այս բնագավառի առանձնահատկությունները՝ բժիշկների կողքին աշխատում են  նաև հատուկ վերապատրասված  միջուկային  ֆիզիկներ:

 

 

 

 

Տեխնիկական հագեցվածություն

Կենտրոնն աշխատում է  գերժամանակակից սարքավորումներով,  այդ թվում՝ գերմանական  SIEMENS ընկերության արտադրության Գամմա խցիկով,  (SPECT), որը  աշխարհում միջուկային բժշկության մեջ կիրառվող նորագույն ախտորոշիչ սարք է:

Գնացուցակ
Բժշկական օգնության և սպասարկման տեսակները Արժեքը (դրամով)
Բաժնի վարիչի (ծառայության ղեկավարի) խորհրդատվություն 20,000
Վահանաձև գեղձի չարորակ նորագոյացությունների ռադիոակտիվ յոդով բուժում 980,000
Ոսկրային համակարգի ՍՊԷԿՏ հետազոտություն /Օստեոսցինտիգրաֆիա/  50,000
Վահանաձև գեղձի ՍՊԷԿՏ հետազոտություն 40,000
Վահանաձև գեղձի ՍՊԷԿՏ հետազոտություն ռադիոակտիվ յոդով 250,000
Երիկամների ՍՊԷԿՏ հետազոտություն /դինամիկ նեֆրոսցինտիգրաֆիա/ 40,000
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր