1
1
1
1
Համակարգչային տոմոգրաֆիայի բաժանմունք
Ընդհանուր նկարագրություն
Համակարգչային տոմոգրաֆիան (շերտագրություն) ամենաժամանակակից, բարձր տեխնոլոգիական և տեղեկատվական, արդյունավետ և հուսալի ախտորոշման ռենտգենաբանական մեթոդներից է: Նրա աշխատանքի հիմքում ընկած է համակարգչային ռեկոնստրուկցիայի շնորհիվ հիվանդի մարմնի լայնակի կտրվածքների ստացումը: ՀՏ բաժանմունքում գտնվող ժամանակակից համակարգչային տոմոգրաֆները բնութագրվում են սքանավորման բարձր արագությամբ և թույլատրելի հնարավորությամբ, անոթային կառուցվածքների բարելավված տեսանելիությամբ, եռաչափ ռեկոնստրուկցիայի հնարավորությամբ:
Համակարգչային տոմոգրաֆիայի միջոցով հնարավոր է հայտնաբերել գլխուղեղում, կրծքավանդակի և որովայնի խոռոչի օրգաններում, հետորովայնամզային տարածությունում և փոքր կոնքում, անոթներում, քիթ-կոկորդ-ականջ օրգաններում, ոսկրերում և հոդերում, ինչպես նաև ողնաշարում առկա ախտաբանական շատ փոփոխություններ: Անհրաժեշտության դեպքում, ախտորոշման հաստատման նպատակով հետազոտությունն իրականացվում է ներերակային խտանյութի կիրառմամբ:
ՀՏ բավականին արդյունավետ մեթոդ է տարբեր օրգանների՝ անգամ փոքր չափերի բարորակ և չարորակ նորագոյացությունների հայտնաբերման, նրանց բնույթի, տարածվածության աստիճանի և անոթավորման որոշման համար:
Համակարգչային տոմոգրաֆիան իրականացվում է խիստ կլինիկական ցուցումներով:
Համակարգչային տոմոգրաֆիայի իրականացման բացարձակ հակացուցումներ չկան:
Հարաբերական հակացուցումները հիմնականում կապված են խտանյութի կիրառման հետ.
- ալերգիկ հիվանդություններ (հատկապես՝ բրոնխիալ ասթմա),
- յոդի լուծույթի նկատմամբ ալերգիա,
- սրտի ծանր հիվանդություններ և սրտանոթային անբավարարություն,
- միելոմային հիվանդություն, արյան հիվանդություններ, պոլիցիտէմիա և ֆեոքրոմոցիտոմա,
- երիկամային հիվանդություններ՝ հատկապես շաքարային դիաբետով պայմանավորված,
- հղիություն,
- կլաուստրոֆոբիա:
Հետազոտության իրականացման ցուցումները.
Գլխուղեղի ՀՏ
- ներգանգային սուր արյունազեղման կասկած (վնասվածքային կամ ոչ վնասվածքային ծագման),
- գլխուղեղի արյան շրջանառության սուր խանգարում,
- սուբարախնոիդալ սուր արյունազեղում,
- զարկերակ-երակային անևրիզմայի կասկած,
- գլխուղեղի կամ նրա թաղանթների առաջնային, երկրորդային կամ ռեցիդիվող ուռուցքի կասկած,
- երեխաների մոտ գլխուղեղի զարգացման անոմալիա,
- օջախային բորբոքային գործընթացներ (աբսցես, գրանուլոմա և այլն),
- լսողության խանգարումների ժամանակ՝ լսողական նյարդի նևրինոմայի կասկած,
- ներգանգային ճնշման բարձրացման մասին վկայող երևույթների առկայություն,
- գլխուղեղի բորբոքային հիվանդություններ (աբսցես, գրանուլոմա, էմպիեմա և այլն) և իրականացվող բուժման գնահատում,
- գլխուղեղի դեգեներատիվ հիվանդությունների ախտորոշում:
Ակնակապճի ՀՏ
- ակնակապճի և գանգ-ակնակապճային շրջանի ծավալային գոյացություններ,
- անհայտ ծագման էկզոֆթալմ,
- վնասվածքներ,
Դիմային գանգի ՀՏ
- քթի հարակից խոռոչների բորբոքային հիվանդություններ,
- քթի հարակից խոռոչների ուռուցքային հիվանդություններ,
- վնասվածքներ,
- ատամների իմպլանտների վիրահատության պլանավորում:
Կրծքավանդակի օրգանների ՀՏ (թոքեր,միջնորմ)
- թոքերում դեսիմինացված գործընթացներ,
- թոքերում առաջնային ուռուցքի կասկած,
- չարորակ ուռուցքի առկայության դեպքում թոքերում և պլևրայում թաքնված մետաստազների հայտնաբերում,
- ռենտգենաբանական հետազոտության տվյալներով պլևրայի ուռուցքի կասկած,
- ենթադրվող ուռուցքային ծագման զանգվածային պլևրալ հեղուկի առկայության դեպքում թոքերի վիճակի գնահատում,
- ավշային համակարգի հիվանդություններ, որոնք ենթադրում են ավշային հանգույցների ախտահարում:
Որովայնի խոռոչի օրգանների ՀՏ
- վնասվածքային պատռվածքի, արյունահոսության կասկած,
- լյարդի հիվանդություններ,
- ճարպային հեպատոզի և հեմոքրոմատոզի ախտորոշում,
- ենթաստամոքսային գեղձի հիվանդությունների կասկած (ուռուցքներ, կիստաներ),
- որովայնի խոռոչի առաջնային և երկրորդային նորագոյացություններ,
- որովայնի խոռոչում ազատ և պարկավորված հեղուկի տարբերակիչ ախտորոշում,
- աորտայի որովայնային հատվածի անևրիզմա,
- հետորովայնամզային տարածությունում ուռուցքի կասկած,
- հետորովայնամզային թարախակույտ, հեմատոմա,
- հեմոբլաստոզների ժամանակ հետորովայնամզային ավշային հանգույցների ախտահարում,
- մետաստազներ հետորովայնամզային ավշային հանգույցներում,
- երիկամի ուռուցքի կասկած,
- ռենտգենառադիոնուկլիդային հետազոտության տվյալներով՝ չգործող երիկամ,
- երիկամի վնասվածք,
- միզաքարային հիվանդություն,
- կոնքի շրջանում ծավալային գոյացություն:
Հետազոտության նախապատրաստում
Գլխի, պարանոցի, կրծքավանդակի հետազոտության համար սովորաբար հատուկ նախապատրաստում չի պահանջվում:
Որովայնի խոռոչի և փոքր կոնքի օրգանների հետազոտության համար անհրաժեշտ է որոշակի նախապատրաստում:
Ախտորոշման հավաստիության բարձրացման նպատակով կարող է պահանջվել խտանյութի ներերակային ներարկում:
Ռադիոլոգիական բաժանմունքն ունի երկու սպիրալային Somoton Emotion 16 տոմոգրաֆ, որոնք աշխատում են մշտական ռեժիմով՝ ապահովելով ինչպես պլանային, այնպես էլ սուր ախտաբանությամբ հիվանդների շուրջօրյա հետազոտություն, ովքեր դիմում են Երևանից և հանրապետության տարբեր շրջաններից, նաև՝ ԼՂՀ-ից:
Երկու սպիրալային տոմոգրաֆ.
- Siemens Somatom Emotion 16
- Siemens CT Scanner Somatom Emotion Duo
Bolus Tracker MED TRON AG
Յուրաքանչյուր օր բաժանմունք է դիմում տարբեր հիվանդություններով միջինը 40 մարդ: Գերակշռում են գլխուղեղի արյան շրջանառության սուր խանգարմամբ, պոլիտրավմաներով, ուռուցքաբանական և այլ բորբոքային հիվանդություններով պացիենտները.
- գլխուղեղի ՀՏ (ուղեղի արյան շրջանառության խանգարումներ, պոլիտրավմաներ),
- ՀՏ-անգիոգրաֆիա` բոլուս կոնտրաստավորմամբ,
- սուր վիրաբուժական հիվանդություններ,
- ուռուցքաբանական հիվանդություններ,
- անոթային ախտահարումներ,
- ոսկրային ախտահարումներ:
Արշակ Զոհրաբյան
Գրել նամակ
Համակարգչային տոմոգրաֆիայի բաժանմունքի վարիչ
ռադիոլոգ
բ.գ.դ.
պրոֆեսոր
|
|
Համասփյուռ Մնացականյան
Գրել նամակ
ռադիոլոգ
|
Նունե Սարգսյան
Գրել նամակ
ռադիոլոգ
|
Հայկ Սիմոնյան
Գրել նամակ
ռադիոլոգ
|
|
Ամբիոններ
- Մ. Հերացու անվան ԵՊԲՀ հետդիպլոմային և շարունակական ուսուցման ճառագայթային ախտորոշման ամբիոն
- Ճառագայթային ախտորոշման ամբիոն, Հայկական բժշկական ինստիտուտ
Դասախոսական գործունեություն իրականացնող աշխատակիցներ
- պրոֆեսոր Արշակ Զոհրաբյան, ասիստենտ Լուսինե Հակոբյան
Տարեկան ուսանողների քանակը և նրանց ուսուցման մակարդակը.
Յուրաքանչյուր տարի վերապատրաստվում են ճառագայթային ախտորոշման մոտավորապես 80 մասնագետ (բակալավրիատ, մագիստրատուրա, հետդիպլոմային ուսուցում, կլինիկական օրդինատուրա):
|
Կրթական նյութեր մասնագետների համար
|
Կրթական նյութեր պացիենտի համար
|
| Կոմպյուտերային տոմոգրաֆիկ հետազոտություն |
- 09.12.2016 - Հայ-ֆրանսիական ռադիոլոգների գիտական կոնֆերանս
- 16.04.2014 - «Ամենատպավորիչ դեպքերն ինձ համար ուռուցքների կանգը կամ անհետացումն է` առանց որևէ բուժման կամ միջամտության». Վալենտին Դզյուբան
- 31.03.2014 - Համակարգչային շերտագրմամբ հետազոտությունն ավելի արդյունավետ է դարձել «Էրեբունի» բժշկական կենտրոնում
Համակարգչային տոմոգրաֆիայի ծառայության գնացուցակ
06.02.2013 թ.
|
Կոդ |
Ծառայության անվանումը |
Արժեքը |
|||
|
1,300,002 |
Կոմպյուտերային տոմոգրաֆիայի հետազոտություն (1 հատվածի հետազոտում) |
40,000 |
|||
| 1,300,021 | Կոմպյուտերային տոմոգրաֆիայի հետազոտություն (1 հատվածի հետազոտում) կոնտրաստով | 55,000 | |||
|
1,300,019 |
Կոմպյուտերային տոմոգրաֆիայի հետազոտություն (2 հատվածի հետազոտում) |
50,000 |
|||
| 1,300,022 | Կոմպյուտերային տոմոգրաֆիայի հետազոտություն (2 հատվածի հետազոտում) կոնտրաստով | 65,000 | |||
|
1,300,003 |
Կոմպյուտերային տոմոգրաֆիայի հետազոտություն (3 և ավելի հատվածների հետազոտում) |
60,000 |
|||
| 1,300,023 | Կոմպյուտերային տոմոգրաֆիայի հետազոտություն (3 և ավելի հատվածների հետազոտում) | 75,000 | |||
| 1,300,026 | Կոմպյուտերային տոմոգրաֆիայի հետազոտություն (3 և ավելի հատվածների հետազոտում) | 30,000 | |||
| 1,300,027 | Կոմպյուտերային տոմոգրաֆիայի հետազոտություն (3 և ավելի հատվածների հետազոտում) /կրկնակի/ * կոնտրաստով | 45,000 | |||
|
1,300,004 |
Կոմպյուտերային տոմոգրաֆիայի հետազոտություն (1 հատվածի հետազոտում) /կրկնակի/ * |
20,000 |
|||
| 1,300,024 | Կոմպյուտերային տոմոգրաֆիայի հետազոտություն (1 հատվածի հետազոտում) /կրկնակի/ * | 35,000 | |||
|
1,300,020 |
Կոմպյուտերային տոմոգրաֆիայի հետազոտություն (2 հատվածի հետազոտում) /կրկնակի/ * |
25,000 |
|||
| 1,300,025 | Կոմպյուտերային տոմոգրաֆիայի հետազոտություն (2 հատվածի հետազոտում) /կրկնակի/ * | 40,000 | |||
|
1,300,010 |
Քթի հարակից խոռոչների կոմպյուտերային տոմոգրաֆիա |
20,000 |
|||
|
1,300,011 |
Քթի հարակից խոռոչների կոմպյուտերային տոմոգրաֆիա /կրկնակի/ * |
10,000 |
|||
|
1,300,012 |
Ակնակապիճների, ակնագնդերի և հետբուլբար տարածության կոմպյուտերային տոմոգրաֆիա |
20,000 |
|||
|
1,300,018 |
Հոդերի կոմպյուտերային տոմոգրաֆիա |
30,000 |
* Վերաբերվում է միայն ԷԲԿ-ի ստացիոնար հիվանդներին
