Էրեբունի բժշկական կենտրոն Prime Quality Standard
Medical Journal Erebouni

Նեֆրոլոգիայի բաժանմունք

Ընդհանուր նկարագրություն

Երիկամների հիվանդությունների մեծ մասն ընթանում է առանց հատուկ ախտանիշների, ինչից ելնելով այս հիվանդություններն, իրավացիորեն, դասում են առավել վտանգավոր հիվանդությունների շարքին։


Էրեբունի բժշկական կենտրոն. Թերապևտիկ կլինիկա. Նեֆրոլոգիայի բաժանմունքՀիվանդությունների մեծ մասն ազդեցություն ունի երիկամների վրա։ Երիկամների հիվանդությունների պատճառ կարող են լինել հիվանդածին մանրէները, տոքսիկ նյութերը, ալերգիկ ռեակցիաները, տարած վարակային հիվանդությունների բարդությունները, սրտանոթային, էնդոկրին, աուտոիմուն հիվանդությունները, արյան, աղեստամոքսային տրակտի, լյարդի հիվանդությունները, նյութափոխանակության խանգարումները (շաքարային դիաբետ, ֆոսֆոր-կալցիումական փոխանակության խանգարում) և այլն։


Երիկամների և միզուղիների հիվանդությունների ախտանիշները բազմաթիվ են. հաճախակի, հազվակի կամ ցավոտ միզարձակում, էնուրեզ, մեզի ծավալի, գույնի և բաղադրության փոփոխություններ, դեմքի և ոտքերի այտուցվածություն, ցավեր գոտկային շրջանում և այլն։ Այսպիսի գանգատներով հիվանդները շատ հաճախ երկար ժամանակ չեն դիմում բժշկի՝ բաց թողնելով այնքան արժեքավոր ժամանակը։ Սրանից ելնելով, երբեմն հարկ է լինում պայքարել երիկամների այս կամ այն բարդացած հիվանդությունների դեմ։ Նման բարդություններից խուսափելու համար անհրաժեշտ է առաջին իսկ գանգատների դեպքում դիմել մասնագետին՝ հիվանդության ճիշտ ախտորոշման և հետագա բուժման համար։


«Էրեբունի» բժշկական կենտրոնի նեֆրոլոգիայի բաժանմունքում հետազոտվում և բուժվում են երիկամների ախտահարումներով և այլ հիվանդությունների հետևանքով երիկամային բարդություններով հիվանդները.

 

  • սուր և քրոնիկ գլոմերուլոնեֆրիտ,
  • քրոնիկ պիելոնեֆրիտ,
  • պարբերական հիվանդություն,
  • երիկամների ամիլոիդոզ,
  • սուր և քրոնիկ երիկամային անբավարարություն,
  • դիաբետիկ նեֆրոպաթիա,
  • ֆունկցիոնալ երիկամային անբավարարություն՝ որպես ռևմատիդ հիվանդությունների բարդություն,
  • երկրորդային գլոմերուլոնեֆրիտներ կոլագենոզների ժամանակ,
  • գայլախտային նեֆրիտ,
  • համակարգային վասկուլիտների ժամանակ առաջացած երիկամների ախտահարում,
  • անոթային նեֆրոպաթիաներ,
  • հիպերտոնիկ հիվանդություն՝ երիկամների ախտահարմամբ,
  • երիկամների տոքսիկ և դեղորայքային ախտահարումներ։

 

Էրեբունի բժշկական կենտրոն. Թերապևտիկ կլինիկա. Նեֆրոլոգիայի բաժանմունքՀիվանդների ախտորոշումն ու բուժումը կլինիկական-լաբորատոր հետազոտությունների տվյալների վրա է հիմնված. արյան և մեզի ընդհանուր, արյան կենսաքիմիական հետազոտություններ, հորմոնալ և իմունոլոգիական թեստեր, մեզի ցանքս և մանրէների զգայունության որոշում հակաբիոտիկների նկատմամբ, մեզի կենսաքիմիական և բջջաբանական հետազոտություններ, գործիքային հետազոտություններ. ուլտրաձայնային, այդ թվում՝ դոպլեր, համակարգային տոմոգրաֆիա (ՀՏ), պոզիտրոն-էմիսիոն ՀՏ, ներերակային ուրոգրաֆիա, ռենտգեն հետազոտություններ, ռադիոիզոտոպային սքանավորման մեթոդներ, երիկամի բիոփսիա և այլն, որոնք թույլ են տալիս իրականացնել երիկամների և այլ հիվանդությունների մանրակրկիտ ախտորոշում։


Բաժանմունքում իրականացվում է անհատական մոտեցում յուրաքանչյուր հիվանդի հանդեպ։ Հաջողությամբ իրականացվում է դեղորայքային բուժում, սննդային թերապիա և բուժման այնպիսի ռազմավարություն, որը հնարավորություն է տալիս կարճ ժամանակում վերացնել հիվանդությոան բարդությունները, երկարացնել ռեմիսիաների շրջանը և կանխել հիվանդության հետագա բարդությունների զարգացումը։

 

Դիալիզի բաժանմունքի մասնագետների հետ համատեղ՝ նեֆրոլոգիական բաժանմունքում իրականացվում է փոխարինող երիկամային թերապիայի անհրաժեշտություն ունեցող հիվանդների ընտրությունը և հեմոդիալիզի իրականացումը։

 

Հեմոդիալիզ ցուցված է հետևյալ դեպքերում.

 

  • սուր երիկամային անբավարարություն,
  • քրոնիկ երիկամային անբավարարություն,
  • օրգանիզմի ծանր թունավորումներ (դեղորայքային և այլ տեսակի թույներով),
  • էլեկտրոլիտների ծանր խանգարումներ։

 

Նեֆրոլոգիայի բաժանմունքում բուժված հիվանդները գտնվում են դիսպանսեր հսկողության տակ և շարունակում են բուժվել բուժող բժշկի կողմից։


Նեֆրոլոգիայի բաժանմունքում նեֆրոլոգիական հիվանդներին բարձր մասնագիտական բուժօգնություն մատուցելու նպատակով աշխատանքը կազմակերպվում է միջազգային չափանիշների և ուղեցույցների հիման վրա։


Նեֆրոլոգիայի բաժանմունքում աշխատում են բարձր որակավորում ունեցող բժիշկներ, ովքեր վերապատրաստվել են արտասահմանյան հայտնի կլինիկաներում։

 

Տեխնիկական հագեցվածություն

Բաժանմունքր հագեցած է ախտորոշիչ և բուժական ամբողջ սպեկտրի ծառայություններով.

 

  • կլինկական-լաբորատոր հետազոտությունների ամբողջական սպեկտր,
  • իմունոլոգիական հետազոտություններ,
  •  ուլտրաձայնային հետազոտությունների ամբողջ սպեկտր,
  • էնդոսկոպիկ հետազոտությունների սպեկտր,
  • ճառագայթային հետազոտություններ,
  • երիկամների բիոփսիա,
  • համակարգչային տոմոգրաֆիա,
  • անգիոգրաֆիա,
  • հեմոդիալիզի բաժանմունքի նորարարական սարքավորումներ։

 

Հիմնական գործունեության ուղղությունները

Նեֆրոլոգիայի բաժանմունքի գործունեության հիմնական և առաջնահերթ ուղղությունները.

 

  • երիկամային ախտաբանությամբ հիվանդների հեմոդիալիզի խնդիրները,
  • սուր և քրոնիկ պիելոնեֆրիտով հիվանդների ախտորոշումը և բուժումը,
  • սուր և քրոնիկ նեֆրոպաթիաներով հիվանդների ախտորոշումը և բուժումը (դիաբետիկ նեֆրոպաթիա, ուրատային նեֆրոպաթիա) և այլն,
  • շարակցական հյուսվածքի համակարգային հիվանդությունների և համակարգային վասկուլիտների հետևանքով առաջացած գլոմերուլյար ախտահարումներով հիվանդների ախտորոշումը և բուժումը,
  • նախադիալիզային էտապում քրոնիկ երիկամային անբավարարությամբ հիվանդների ախտորոշումը և բուժումը,
  • քրոնիկ գլոմերուլոնեֆրիտի տարբերակիչ ախտորոշումը և իմունա-ագրեսիվ թերապիան:
 
Անձնակազմ
Կարինե Իսրայելյան Կարինե Իսրայելյան Գրել նամակ Նեֆրոլոգիայի բաժանմունքի վարիչ նեֆրոլոգ
Նատալիա Նորամիրյան Նատալիա Նորամիրյան Գրել նամակ նեֆրոլոգ
Նարինե Ղուկասյան Նարինե Ղուկասյան Գրել նամակ նեֆրոլոգ
Գնացուցակ
     
Նեֆրոլոգիական ծառայութան վճարովի ծառայությունների գնացուցակ
27.02.2017 թ.
Կոդ Ծառայության անվանումը Արժեքը (դրամով)
2100 001 Բաժնի վարիչի (ծառ. ղեկավարի) նախազննում  5,000
2100 002 Բժշկի առաջնակի նախազննում 5,000
2100 023 Բժշկի երկրորդային նախազննում 3,000
2100 003 Բուժման 1 օրվա արժեքը ( առանց դեղորայքի և հետազոտությունների ) 20,000
2100 004 Բուժման 2 օրվա արժեքը ( առանց դեղորայքի և հետազոտությունների ) 40,000
2100 005 Բուժման 3 օրվա արժեքը ( առանց դեղորայքի և հետազոտությունների ) 60,000
2100 006 Բուժման 4 օրվա արժեքը ( առանց դեղորայքի և հետազոտությունների ) 80,000
2100 007 Բուժման 5 օրվա արժեքը ( առանց դեղորայքի և հետազոտությունների ) 100,000
2100 008 Բուժման 1 օրվա արժեքը ( ներառյալ դեղորայքը, առանց հետազոտությունների ) 30,000
2100 009 Բուժման 2 օրվա արժեքը ( ներառյալ դեղորայքը, առանց հետազոտությունների ) 60,000
2100 010 Բուժման 3 օրվա արժեքը ( ներառյալ դեղորայքը, առանց հետազոտությունների ) 90,000
2100 011 Բուժման 4 օրվա արժեքը ( ներառյալ դեղորայքը, առանց հետազոտությունների ) 120,000
2100 012 Բուժման 5 օրվա արժեքը ( ներառյալ դեղորայքը, առանց հետազոտությունների ) 150,000
2100 013 Բուժում ցերեկային ստացիոնարում ( առանց դեղորայքի և հետազոտությունների) 115,000
2100 014 Հիվանդի ստացիոնար բուժում                                                                                                            175,000
2100 015 Հիվանդի ստացիոնար բուժում ուղեկցող հիվանդությամբ                                                   215,000
2100 016 Հիվանդի ստացիոնար բուժում ուղեկցող հիվանդությամբ և/կամ բարդություններով                                    265,000
2100 017 Հիվանդի ստացիոնար բուժում` բարդացված, կենսական կարևոր օրգանների ֆունկցիայի խանգարումով                                                                                                 315,000
2100 022 Սոմատիկ բարդ հիվանդությունների բուժում ոչ պրոֆիլային հետազոտությունների ընդգրկումով 515,000
2100 500 Լրացուցիչ դեղորայքի փոխհատուցում, ըստ փաստացի կատարված ավել ծախսի 1,000
2100 501 Լրացուցիչ դեղորայքի փոխհատուցում, ըստ փաստացի կատարված ավել ծախսի 1 5,000
2100 502 Լրացուցիչ դեղորայքի փոխհատուցում, ըստ փաստացի կատարված ավել ծախսի 2 10,000
     
ՀՀ Առողջապահության նախարարի 27.01.2011թ.N 91-Ա հրամանով հաստատված համավճար
2100 018 Սուր երիկամային անբավարարություն 100,000
2100 019 Սեպսիս 180,000
2100 020 Սուր հեմոլիտիկ կրիզներ, սակավարյունություն ( Hb-60գ/լ և պակաս կամ էրիցոտրիտների քանակը =1.7x10դԱ/1 և պակաս)(բարդություններով և/կամ ուղեկցող հիվանդություն-ներով) 180,000
2100 021 Կարճաժամկետ բուժօգնություն (1-3 օր) ավարտված, մեկ օրվա գինը  7,000
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր