Էրեբունի բժշկական կենտրոն Prime Quality Standard
Medical Journal Erebouni

Նորածնային բաժանմունք

Ընդհանուր նկարագրություն

«Էրեբունի» ԲԿ ծննդատան նորածնային բաժանմունքի մասնագետներն իրականացնում են առողջ, անհաս և հիվանդ այն նորածինների խնամքը, որոնք ինտենսիվ թերապիայի կարիք ունեն: Կազմակերպված է մոր և մանկան համատեղ կեցությունը՝ երեխայի կյանքի առաջին րոպեներից, մայրերին ուսուցանվում է երեխայի խնամքի հմտությունները, խրախուսվում` կրծքով կերակրումը:


 

Նորածինների առողջական վիճակին հետևում են բժիշկ-նեոնատոլոգները, իսկ  խնամքի հարցում  օգնում են փորձառու, հոգատար և որակավորված բուժքույրերը:  Նախքան հիվանդանոցից դուրս գրվելը մանրամասն տեղեկացվում է տնային պայմաններում նորածնի խնամքի առանձնահատկությունների մասին, իսկ փորձառու նեոնատոլոգները միշտ պատրաստ են պատասխանելու նորածնի խնամքին վերաբերող ցանկացած հարցի:

 

Բաժանմունքում առկա են նորածինների հետազոտման և անհետաձգելի բուժօգնության ցուցաբերման համար անհրաժեշտ բոլոր սարքավորումները.
 

  • ինկուբատորներ՝ ցածր քաշով և անհաս երեխաների կենսապահովման համար,
  • տեսահսկման մոնիտորներ,
  • ֆոտոթերապիայի և ջերմաապահովման ժամանակակից սարքեր,
  • խստորեն պահպանվում է սանիտարահամաճարակային ռեժիմը:

 


Ինտենսիվ թերապիայի բաժանմունքում առկա են արհեստական շնչառության  սարքեր, շնչառության պահպանման Bablle CPAP համակարգեր, թթվածնի կենտրոնացված մատակարարում: CosyCot բաց վերակենդանացման համակարգը հնարավորություն է տալիս վերակենդանացումն իրականացնել ամբողջ ծավալով:
 
Վերջին տարիների ընթացքում բաժանմունքն իրականացնում է նաև անհաս և ծայրահեղ ցածր քաշով նորածինների բուժում Survanta դեղով, որի շնորհիվ փրկվել է բազմաթիվ անհաս նորածինների կյանք: Սկրինինգի միջոցով իրականացվում է ֆենիլկետոնուրիայի և բնածին հիպոթիրեոզի ախտորոշում, ուղիղ օֆթալմոսկոպիան հնարավորություն է տալիս անհաս նորածինների մոտ հայտնաբերել ռետինոպաթիա՝ վաղ շրջանում:

 

Բաժանմունքի ժամանակակից ախտորոշիչ սարքավորումները՝ պատճառաախտաբանական և ախտանշային թերապիայի հետ համակցված, ինչպես նաև փոքրիկի համար ստեղծված անհրաժեշտ պայմաններն ու հարմարավետությունը, թույլ են տալիս սեղմ ժամկետներում ստանալ զգալի կլինիկական արդյունքներ:

Բաժանմունքում գործում է լաբորատորիա՝ հագեցած ժամանակակից սարքավորումներով, որոնք հնարարավորություն են տալիս իրականացնել արյան և այլ կենսաբանական հեղուկների լիարժեք հետազոտություն: Նորացված կյուվեզներն օպտիմալ ջերմային պայմաններ են ապահովում ցածր քաշով և վաղաժամ ծնված նորածինների համար:

 

Տեխնիկական հագեցվածություն

Ինտենսիվ թերապիայի բաժանմունքում առկա են.
 

  • արհեստական շնչառության սարքեր,
  • Bablle CPAP և high flow շնչառության ապահովման մի քանի համակարգեր,
  • թթվածնի կենտրոնացված մատակարարում, որն ապահովում է շնչառության հետ խնդիր ունեցող նորածինների բուժումը,
  • տաքացվող սեղանիկ ՝ ջերմության վերահսկման համակարգով:

 
Բաժանմունքում առկա են նաև.
 

  • ֆոտոթերապևտիկ լամպեր,
  • ռենտգեն-համակարգ,
  • տեսահսկման մոնիտորներ,
  • լաբորատորիա՝ հագեցած ժամանակակից սարքավորումներով, որոնք հնարարավորություն են տալիս իրականացնել արյան և այլ կենսաբանական հեղուկների լիարժեք հետազոտություն,
  • նորացված կյուվեզներն օպտիմալ ջերմային պայմաններ են ապահովում ցածր քաշով և վաղաժամ ծնված նորածինների համար:



Անձնակազմ
Պավել Մազմանյան Պավել Մազմանյան Գրել նամակ «Էրեբունի» ԲԿ ծննդատան նորածնային բաժանմունքի ղեկավար, ՀՀ ԱՆ խորհրդատու նեոնատոլոգիայի գծով նեոնատոլոգ
Անահիտ Բաղդասարյան Անահիտ Բաղդասարյան Գրել նամակ նեոնատոլոգ
Արուսյակ Այվազյան Արուսյակ Այվազյան Գրել նամակ նեոնատոլոգ
Գոհար Ահարոնյան Գոհար Ահարոնյան Գրել նամակ նեոնատոլոգ
Լուսինե Մովսիսյան Լուսինե Մովսիսյան Գրել նամակ նեոնատոլոգ
Լուսինե Չատրջյան Լուսինե Չատրջյան Գրել նամակ նեոնատոլոգ
Նաիրա Վարդանյան Նաիրա Վարդանյան Գրել նամակ նեոնատոլոգ
Լուսինե Գրիգորյան Լուսինե Գրիգորյան Գրել նամակ նեոնատոլոգ
Մարիամ Կեսոյան Մարիամ Կեսոյան Գրել նամակ նեոնատոլոգ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր