«Էրեբունի» բժշկական կենտրոն
Medical Journal Erebouni

Մամմոգրաֆիկ ծառայություն

Ընդհանուր նկարագրություն

«Էրեբունի» ԲԿ Մամմոգրաֆիայի ծառայությունում իրականացվում է կրծքագեղձի քաղցկեղի վաղ ախտորոշում: Այն  հնարավորություն է տալիս ժամանակին սկսել բուժումը՝ փրկելով բազմաթիվ կանանց կյանքեր:  



 
Կրծքագեղձի քաղցկեղի վաղ ախտորոշմանը նպաստում են սքրինինգային ծրագրերը՝ կանանց կանոնավոր հետազոտությունները:  Այդ պատճառով սկրինինգային հետազոտություն պետք է անցնեն բոլոր կանայք:

 

Կրծքագեղձի քաղցկեղի սքրինինգն իրականացվում է սոնոգրաֆիայի եւ մամմոգրաֆիայի միջոցով, որոշակի դեր ունեն նաեւ կլինիկական զննումն ու ինքնազննումը: 


Կրծքագեղձի մամմոգրաֆիկ հետազոտությունը   ռենտգենաբանական հետազոտություն է, որն ունի ճառագայթման ցածր դոզա:  Մեթոդի գլխավոր առավելությունն այն է, որ հնարավորություն է տալիս կրծքագեղձի քաղցկեղը հայտնաբերել ամենավաղ շրջանում՝ ներառյալ ամենափոքր (մեկ սանտիմետրից փոքր տրամագծով) և չշոշափվող ձևերը, որի նշան կարող են հանդիսանալ նաեւ  կրծքագեղձում կալցիումի աննշան կուտակումները:

 

Մամմոգրաֆիան հնարավորություն է տալիս երկու տարի առաջ հայտնաբերել կրծքագեղձում նորագոյացությունը, մինչեւ նրա  շոշափելի դառնա:  Ինչպես հայտնի է, ժամանակին ախտորոշումը բարձրացնում է բուժման արդյունավետությունը և օրգանապահպան վիրահատությունների տոկոսը: Վաղ շրջանում հայտնաբերված կրծքագեղձի քաղցկեղի բուժումն ավելի արդյունավետ է, քանի որ դեռ չի առաջացրել ներաճ  հարևան հյուսվածքներ եւ մետաստազներ:  Այս պարագայում վիրաբույժը ստիպված չի լինում կատարել այնպիսի արմատական վիրահատություն, ինչպիսին ամբողջ օրգանի հեռացումն է՝ մաստէկտոմիան:


Ըստ ընդունված ուղեցույցների, 35-50 տարեկանն անց կանայք կանոնավոր մամմոգրաֆիա պետք է անցնեն   երկու տարին մեկ անգամ, իսկ 50 տարեկանից բարձր՝ յուրաքանչյուր տարի՝ անկախ գանգատներից:  Անհրաժեշտության դեպքում հետազոտությունները կարող է կատարվել հաճախակի: Կրծքագեղձում շոշափվող գոյացությունների կամ հանգույցների առկայություն, մաշկի, պտուկների փոփոխություն, պտուկներից արտադրություն դեպքում անհրաժեշտ է խորհրդակցել կրծքաբանի հետ՝ որոշելու հետազոտման մարտավարությունը:  


 

Մամմոգրաֆիկ հետազոտությունն անհրաժեշտ է իրականացնել դաշտանային ցիկլի 5-12-րդ օրը՝ դաշտանի առաջին օրից հաշված: Այս շրջանում կրծքագեղձերը լարված չեն, առավել փափուկ են, և մամմոգրաֆիկ հետազոտությունը ոչ միայն պակաս զգայուն է, այլ նաև առավել տեղեկատվական է բժշկի համար: Դաշտանադադարի դեպքում մամոգրաֆիան կարելի է կատարել ցանկացած օր: Տվյալ հետազոտությանը հատուկ նախապատրաստվելու անհրաժեշտություն չկա: Մամոգրաֆիայի հակացուցումներն են հղիությունն ու կաթնարտադրության շրջանը:

 

Տեխնիկական հագեցվածություն

Կրծքագեղձի համալիր հետազոտության բաժանմունքը հագեցած է HOLOGIC ընկերության թվային Selenia Dimensions Mammography System մամմոգրաֆով, ինչպես նաև մասնագիտացված Toshiba Aplio 500 եւ Simiense սոնոգրաֆներով: Դրանք օժտված են էլաստոգրաֆիա և MicroPure կատարելու ֆունկցիայով, ինչը հնարավորություն է տալիս իրականացնել կրծքագեղձերի ինչպես սքրինինգային, այնպես էլ ախտորոշիչ հետազոտություն, ինչպես նաև՝ բիոպսիոն ներդիրով: Մամոգրաֆիայի օգնությամբ հայտնաբերվում է նորագոյացությունը, իսկ գերձայնային հետազոտությամբ ախտորոշվում է հյուսվածքի կառուցվածքը:

 

 

Մինչև 35 տարեկան կանանց մոտ կրծքագեղձերում գերակշռում է գեղձային հյուսվածքը, ուստի այդ տարիքում առավել ցուցված է գերձայնային հետազոտությունը: Այս դեպքում մամոգրաֆիան դիտվում է որպես լրացուցիչ հետազոտություն: 40 տարեկանից հետո մամոգրաֆիան դառնում է առաջնահերթ, իսկ գերձայնային հետազոտությունը՝ լրացուցիչ: Կրծքագեղձերի մամոգրաֆիկ և գերձայնային համակցված հետազոտությունը հնարավորություն է տալիս ստանալու առավել մանրամասն իմֆորմացիա, ինչը թույլ է տալիս 95% ճշգրտությամբ հայտնաբերել կրծքագեղձի նույնիսկ ամենաաննշան փոփոխությունները: 

Հիմնական գործունեության ուղղությունները

Բաժանմունքի գործունեության հիմնական ուղղությունը կրծքագեղձերի քաղցկեղի վաղ և համակցված ախտորոշումն է մինչ կլինիկական փուլում:


Ախտորոշիչ մամմոգրաֆիան  իր մեջ ներառում է կրծքագեղձի բարորակ, չարորակ ուռուցքների, կրծքագեղձի բարորակ հիվանդությունների (մաստոպաթիաներ, մաստիտներ), ինչպես նաև կաթնածորանների փոփոխությունների և հիվանդությունների ախտորոշումը:


Բաժանմունքն աշխատում է սքրինինգային մամմոգրաֆիայի միջազգային ուղեցույցներով ըստ American College of Radiology  և European Radiology Association Guidelines for screening mammography.

Անձնակազմ
Լուսինե Հակոբյան Լուսինե Հակոբյան Գրել նամակ «Էրեբունի» ԲԿ մամոգրաֆիայի ծառայության ղեկավար ռադիոլոգ
Կրթություն

Ամբիոն
-  Մխիթար Հերացու անվան ԵՊԲՀ հետդիպլոմային և շարունակական ուսուցման ճառագայթային ախտորոշման ամբիոն


Դասավանդում իրականացնող աշխատակիցներ
-  ամբիոնի դասախոս ԼՈՒՍԻՆԵ ՀԱԿՈԲՅԱՆ


Տարեկան ուսանողների քանակը և նրանց ուսուցման մակարդակը
Ճառագայթային ախտորոշման տարեկան ուսուցում են անցնում մոտավորապես 40 մասնագետ
-    հետդիպլոմային ուսուցում, կլինիկական օրդինատուրա

Կրթական նյութեր մասնագետների համար

 

Կրթական նյութեր պացիենտի համար

 

  Մամոգրաֆիա
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր