«Էրեբունի» բժշկական կենտրոն

Նորություններ

Նորածինների կոնքազդրային հոդի սոնոգրաֆիա՝ «Էրեբունի» ԲԿ ծննդատանը

Նորածինների կոնքազդրային հոդի սոնոգրաֆիա՝ «Էրեբունի» ԲԿ ծննդատանը

 «Էրեբունի» ԲԿ ծննդատանը ներդրվել է կոնքազդրային հոդի դիսպլազիայի սկրինինգային ծրագիր: Կոնքազդրային հոդերի դիսպլազիան բնածին է ՝ պայմանավորված կոնքի ոչ ճիշտ զարգացումով և կարող է առաջացնել ազդրի գլխիկի հոդախախտ: Նման խնդիր հանդիպում է 1000 նորածնից 6-7 մոտ եւ պահանջում է մասնագիտական միջամտություն: Վաղ սոնոգրաֆիկ հետազոտությունն անհրաժեշտություն է, քանի որ ուշ հայտնաբեման դեպքում կարող է գրանցվել հաշմանդամութուն: Ի դեպ, արդեն ուշացած է համարվում կյանքի երրորդ ամսից հետո ախտորոշված հոդախախտը: Կոնքազդրային հոդի հոդախախտի վաղ հայտնաբերման նկատակով «Էրեբունի» ԲԿ-ն ձեռք է բերել վերջին սերնդի ուլտրաձայնային շարժական սարք, որով կատարվում է բոլոր նորածինների սկրինինգային հետազոտությունը: Սոնոգրաֆիկ հետազոտությունն ունի մի շարք առավելություններ՝ բացարձակ ճշգրություն, հակացուցումների բացակայություն, անվտանգություն:

Հայաստանում տարեկան 20 երեխա կոնքազդրային հոդի հոդախախտի հետևանքով դառնում է հաշմանդամ: Սկրինինգային այս ծրագրի շրջանակում «Էրեբունի» ԲԿ ծննդատան նեոնատոլոգները հատուկ վերապատրաստում են անցել՝ ՀՀ առողջապահության նախարարության և «Ջինիշյան հիշատակի հիմնադրամ»-ի հետ համագործակցության արդյուքնում:

 

 

25.04.2020
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր