«Էրեբունի» բժշկական կենտրոն

Նորություններ

Ժամանակակից բժշկության մեջ քեմոէմբոլիզացիայի կիրառումը  լյարդի չարորակ նորագոյացության ժամանակ

Ժամանակակից բժշկության մեջ քեմոէմբոլիզացիայի կիրառումը լյարդի չարորակ նորագոյացության ժամանակ

Էմբոլիզացիան ինվազիվ միջամտություն է, որի էությունը տարբեր տեղակայման անոթների և զարկերակ-երակային մալֆորմացիաների (արատների) փակումն է: Մեթոդը կիրառվում է ինչպես անոթային, այնպես էլ նյարդավիրաբուժության մեջ:


Էմբոլիզացիայի մեթոդով կարելի է բուժել այնպիսի հիվանդություններ, որոնք նախկինում պահանջում էին բաց վիրահատական միջամտություններ՝ հեմանգիոմաներ, զարկերակ-երակային մալֆորմացիաներ, ներքին արյունահոսություններ, գլխուղեղի անոթների անևրիզմաներ, արգանդի միոմա, տարբեր տեղակայման նորագոյացություններ և այլն:

 

    ԷՐԵԲՈՒՆԻ բժշկական կենտրոն. Լյարդի ՀՏ-ետազոտություն. մեծածավալ նորագոյացություն
   

Լյարդի ՀՏ-ետազոտություն. մեծածավալ նորագոյացություն


Նշենք, որ վերը նշված միջամտությունների մեծ մասը իրականացվում է տեղային անզգայացմամբ, երբ հիվանդը լիովին գիտակցության մեջ է:


Լյարդի չարորակ նորագոյացությունների դեպքում ժամանակակից բժշկության մեջ կիրառվում է քեմոէմբոլիզացիայի մեթոդը՝ էմբոլիզացիայի զուգակցումը տեղային քիմիաթերապիայի հետ, որն ապահովում է երկակի ազդեցություն՝ ուռուցքը սնող անոթի խցանում և, միաժամանակ, քիմիապրեպարատի ներմուծում, որի դեպքում դեղորայքի բարձր կոնցենտրացիան ապահովվում է առանց համակարգային կողմնակի ազդեցության:

 
Տվյալ մեթոդի արդյունավետությունն ապացուցված է ժամանակի մեջ, գիտական հետազոտություններով, ամբողջ աշխարհում գործնական կիրառմամբ:

 

ԷՐԵԲՈՒՆԻ բժշկական կենտրոն. Ժամանակակից բժշկության մեջ քեմոէմբոլիզացիայի կիրառումը  լյարդի չարորակ նորագոյացության ժամանակ    

Վերին միջընդերային զարկերակի սելեկտիվ անգիոգրաֆիա, որից դուրս է գալիս սեփական լյարդային զարկերակը


   

2014թ. մայիսին «Էրեբունի» բժշկական կենտրոնի անգիոգրաֆիայի բաժանմունքի ինվազիվ-սրտաբան Արսեն Ծատուրյանի կողմից առաջին անգամ Հայաստանում իրականացվել է լյարդային զարկերակների տրանսարտերիալ քեմոէմբոլիզացիա, որը սկիզբ դրեց «Էրեբունի» բժշկական նմանատիպ վիրահատությունների հետագա իրականացմանը:

21.03.2015թ. հիվանդ Ի.Ա., ում մոտ ախտորոշվել է լյարդի աջ բլթի մեծ չափերի չարորակ նորագոյացություն, իրականացվել է ընդերային զարկերակների անգիոգրաֆիա և լյարդային աջ զարկերակի ընտրողական քեմոէմբոլիզացիա՝ Hepasphera 25 mg+Doxorubicin 100 mg դեղամիջոցների կիրառմամբ:

 

    ԷՐԵԲՈՒՆԻ բժշկական կենտրոն. Ժամանակակից բժշկության մեջ քեմոէմբոլիզացիայի կիրառումը  լյարդի չարորակ նորագոյացության ժամանակ
   

Էմբոլիզացիայից հետո աջ լյարդային զարկերակի սելեկտիվ անգիոֆրաֆիա («այրված ծառի» ախտանիշը էմբոլիզացիայի վերջնակետն է)


Հետվիրահատական շրջանն ընթացել է նորմալ, հիվանդի մոտ դիտվել է հետէմբոլիզացիոն համախտանիշ (հետվիրահատական շրջանում համարվում է նորմալ), որը վերացվել է դեղորայքային եղանակով:


Կատարված էմբոլիզացիայի արդյունավետության գնահատման համար անհրաժեշտ է մեկ ամիս անց իրականացնել լյարդի ՀՏ-հետազոտություն:

 

Հիվանդը դուրս է գրվել երկրորդ օրը, շարունակում է մնալ ուռուցքաբանի հսկողության տակ:


Նշենք , որ նմանատիպ վիրահատություններ կատարվում են միայն «Էրեբունի» բժշկական կենտրոնում:

 

 

 

02.04.2015
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր