Էրեբունի բժշկական կենտրոն Prime Quality Standard
Medical Journal Erebouni

Ախտորոշման կլինիկա

Հիվանդությունների ժամանակին ախտորոշումը բժշկության հիմքն է և արդյունավետ բուժման երաշխիքը: Յուրաքանչյուր բժշկական հաստատության հզորությունը որոշվում է նրա ախտորոշիչ բազայի հնարավորություններով: 

 

«Էրեբունի» բժշկական կենտրոն: Ախտորոշման կլինիկա. Էնդոսկոպիայի բաժանմունք Էնդոսկոպիայի բաժանմունք

Էրեբունի բժշկական կենտրոնի կազմում առկա է ախտորոշիչ կլինիկա՝ հագեցած գերժամանակակից նորարարական ախտորոշիչ սարքավորումներով, որոնց կողմնակի ազդեցությունները հասցված են նվազագույնի և հնարավորություն են տալիս անցավ, նվազագույն ժամկետներում իրականացնել ճշգրիտ ախտորոշում: Կլինիկայում իրականացվող ախտորոշիչ հետազոտությունները և բուժման արդյունավետությունը համապատասխանում են միջազգային մասնագիտական ասոցիացիաների ուղեցույցներին ու առաջարկություններին համապատասխանող որակի միջազգային պահանջներին և իրականացվում են ըստ կլինիկական տվյալների:

 

Էրեբունի բժշկական կենտրոն: Ախտորոշման կլինիկա

Ախտորոշման կլինիկան առաջարկում է ախտորոշիչ ծրագրերի լայն սպեկտր՝ ամենապարզ և ստանդարտ կանխարգելիչ հետազոտություններից մինչև բարդ, մասնագիտացված, որոշակի հիվանդությունների խմբին ուղղված հետազոտություններ, որոնց մեջ համակցված են մի քանի տեղեկատվական եղանակներ:

 

 

Կլինիկան իրականացնում է գրեթե բոլոր «Check up» ծրագրերը ( ախտորոշման ստուգման ծրագիր). ստանդարտից՝ ընդլայնված, ընդհանուրից՝ նեղ մասնագիտացված հետազոտություններ: Հիվանդությունների վաղ ախտորոշումն ու կանխարգելումը ախտորոշման կլինիկայի գլխավոր առաջաբանն է: Անհրաժեշտության դեպքում հիվանդն ուղեգրվում է բազմապրոֆիլ Էրեբունի բժշկական կենտրոնի համապատասխան մասնագիտացված բաժանմունք՝ նեղ մասնագետի կողմից բուժման նպատակով: Յուրաքանչյուր պացիենտին ցուցաբերվում է անհատական մոտեցում՝ ախտորոշման և բուժման անհատական ծրագրի իրականացմամբ:

 

Էրեբունի բժշկական կենտրոն: Ախտորոշման կլինիկա. Մամոգրաֆիայի և կրծքագեղձի համալիր հետազոտման բաժանմունք

Ախտորոշման կլինիկան ներառում է հետևյալ բաժանմունքները.

 

 

Ախտորոշման կլինիկայում աշխատում են բարձր որակավորված, երկար տարիների փորձ ունեցող մասնագետներ, ովքեր մասնագիտացում և վերապատրաստում են անցել Եվրոպայի, Ամերիկայի և ՌԴ առաջատար կլինիկաներում:

 

«Էրեբունի» բժշկական կենտրոն. Կլինիկական ախտորոշիչ լաբորատորիա


Էրեբունի բժշկական կենտրոնի կլինիկական ախտորոշիչ լաբորատորիան հագեցած է մեքենայացված և կիսամեքենայացված կենսաքիմիական անալիզատորներով, արյան էլեկտրոլիտների իոնոսելեկտիվ և արյունաբանական անալիզատորներով, կոագուլոմետրով, մեզի անալիզատորներով և շատ այլ ժամանակակից սարքավորումներով:

 

Էրեբունի բժշկական կենտրոն: Ախտորոշման կլինիկա. կլինիկական ախտորոշիչ լաբորատորիա


Էրեբունի ԲԿ բազմապրոֆիլության շնորհիվ ստեղծված են բժիշկների միջմասնագիտական թիմեր, որոնք, անհրաժեշտության դեպքում, խորհրդակցություն են հրավիրում բարդ համակցված հիվանդության համալիր ախտորոշման և բուժման անսխալ ռազմավարության մշակման նպատակով:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր