«Էրեբունի» բժշկական կենտրոն

Այսօր գրեթե հնարավոր չէ պատկերացնել բժշկական ոլորտի աշխատանքը առանց արյան թեստավորման:

2018թ. ապրիլի 11-ին Էրեբունի ԲԿ-ում անցկացվեց հերթական սեմինար, ավելի քան տաս տարի առաջ մշակված բուժքույրերի զարգացման հետևողական ծրագրի շրջանակներում` որակյալ բուժօգնություն ապահովելու նպատակով: Այն կազմակերպվեց Էրեբունի ԲԿ-ի բուժքույրական ծառայության ղեկավար, բժիշկ- էպիդեմիոլոգ, բ.գ.թ. Զ.Ե. Օհանյանի կողմից, ինչպես նաև Հերացու անվ. «Քույրական գործի կազմակերպում» ամբիոնի դասախոս և ՀՀ ԱՆ Երևանի հայ-ամերիկյան «Էրեբունի» պետական բժշկական քոլեջ»-ի դասախոս, Էրեբունի ԲԿ-ի բուժքույրերի ներհիվանդանոցային ուսուցման կոմիտեի ղեկավար Ա.Ա. Քոչարյանի կողմից: https://www.erebunimed.com/arm/news.more/283

Միջոցառման հիմնական թեման էր ` արյան նմուշառման տեխնիկայի և հմտությունների կատարելագործումը:

Արյան նմուշառումը բուժօգնություն ցուցաբերելու ընթացքում ամենատարածված ինվազիվ մանիպուլյացիաներից մեկն է: Գործողությունների ալգորիթմ անցկացնելու ժամանակ առաջանում են վրիպումներ, որոնք կարող են հանգեցնել վերցված նյութի տվյալների փոփոխմանը: Արյան նմուշառման ճշգրտության ապահովումը չափազանց կարևոր է լաբարատոր սխալներից խուսափելու, ախտորոշման և ճիշտ բուժում նշանակելու, ինչպես նաև մահվան ելքը կանխարգելելու համար:

Ինչպես իր զեկույցում նշեց բժիշկ Ա. Քոչարյանը, անհրաժեշտ մանիպուլյացիաներ անցկացնելու համար գոյություն ունի որոշակի գործողությունների ալգորիթմ: Արյան նմուշառումը , հիմնականում , անցկացնում է բուժքույրը , որը հետևում է բժիշկի ցուցումներին, ստուգում է սնունդը , դեղորայքը կամ այլ գործոններ, որոնք կարող են ազդել պրոցեդուրայի կամ նրա արդյունքների վրա, այնուհետև տեղեկացնում է բժշկին: Բուժքույրը նախապատրաստում է անհրաժեշտ նյութերը, անցկացնում է ձեռքերի հիգիենիկ լվացում, պացիենտին բացատրում է անցկացվող գործողությունների ընթացքը և նրա կողմից ստանում է բանավոր համաձայնություն: Արյան նմուշառումը անցկացվում է հատուկ ասեպտիկ տեխնիկայի պահպանմամբ, որը կիրառվում է ինվազիվ միջամտությունների ժամանակ: Այն պետք է անցկացնել ոչ դոմինանտ ձեռքի երակի դիստալ հատվածից, քանի որ ավելի մակերեսային կամ խոշոր երակները կարող են անհրաժեշտ լինել հետագա միջամտությունների ժամանակ:

Եթե արյան նմուշառումը պերիֆերիկ երակից պունկցիոն եղանակով ինչ-ինչ պատճառներով անհնար է , ապա նմուշառումը անցկացվում է պերիֆերիկ կամ կենտրոնական երակային կաթետերից: Նմուշառումից առաջ անցկացվում է լվացում ֆիզլուծույթով կաթետերի և երակի լուսանցքում: Բժիշկ Քոչարյանը հատուկ ուշադրություն հրավիրեց այն փաստի վրա , որ յուրաքանչյուր մոտեցումից առաջ կաթետերի գլխիկը պետք է մշակել հակասեպտիկով:

Զարկերակային արյան նմուշառումը անցկացվում է արյան մեջ գազերի բաղադրության գնահատման նպատակով և արյան ԹՀՀ (թթվահիմնային հավասարակշռություն) որոշման համար: Այս տեսակետից արյան նմուշը գերզգայուն է միջավայրի ջերմաստիճանի և ժամանակի նկատմամբ: Նմուշի վրա ազդող գործոնների մասին բուժքույրը նշում է ուղեգրում կամ վերցված նմուշի փորձանոթի վրա (լրացուցիչ թթվածնի մատակարարում, արհեստական շնչառություն, շնչուղիների պարունակության արտածծում վերջին 20 րոպեների ընթացքում, պացիենտի ակտիվության փոփոխություն): Պացիենտի անվտանգությունը արյան նմուշառման ընթացքում չափազանց կարևոր է: Դրա համար անհրաժեշտ են` պացիենտի ինքնության հաստատում, անամնետիկ տվյալներ, ասեպտիկ և հակասեպտիկ կանոնների պահպանում, նմուշի ճշգրիտ պիտակավորում, ժամանակին փոխադրում: Իսկ զարկերակային արյան նմուշառում անցկացնելուց առաջ, անցկացվում է Ալլենի թեստ:

Զեկույցի քննարկման ընթացքում ուշադրությունը նաև կենտրոնացվեց երակային պունկցիայի ժամանակ հեմատոմայի զարգացման կանխարգելման խնդրին: Անհրաժեշտ է կատարել սեղմում 2 րոպեի ընթացքում, իսկ զարկերակային արյան նմուշառման ընթացքում ` 5 րոպե: Հակակոագուլյանտ կիրառելու դեպքում սեղմում կատարելու ընթացքը կրկնապատկվում է: Հատուկ ուշադրություն են պահանջում К+, արյան մակարդելիության, կրեատինինի, խոլեստերինի, գլյուկոզայի , հորմոնների թեստերը :

Հետաքրքիր և օգտակար տեսանյութի օգնությամբ լսարանը կարողացավ ծանոթանալ նորարարություններին արյան նմուշառման բնագավառում, ինչպես նաև նոր լաբորատոր հագեցվածությանը: