Ընդհանուր նկարագրություն
«Էրեբունի» ԲԿ բարձր ռիսկի հղիների բաժանմունքում բուժում են ստանում մանկաբարձական տարբեր խնդիրներ ունեցող հղիները:
Գոյություն ունեն մի շարք գործոններ, որոնք գինեկոլոգին թույլ են տալիս հղիությունը դասել բարձր ռիսկի խմբի մեջ: Այդ թվին են պատկանում.
• Մինչև հղիությունը կնոջ մոտ առկա ախտաբանություններ՝ ներառյալ բոլոր քրոնիկական հիվանդությունները՝ շաքարախտ, զարկերակային գերճնշում, սրտի հիվանդություններ, կոագուլոպաթիաներ, ճարպակալում, անոռեքսիա, էպիլեպսիա, արգանդի զարգացման արատներ:
• Նախորդ հղիությունների անցանկալի հետևանքները՝ պտղի դանդաղ զարգացում, գերճնշումը՝ որպես հղիության հետևանք, նախորդ հղիության ժամանակ պտղի սխալ զարգացում, վաղաժամ ծննդաբերություններ, վիժումներ, հղիության բազմակի արհեստական ընդհատումներ:
• Բազմապտուղ հղիություն, պտղի սխալ զարգացում, պտղի ակնհայտ դանդաղ զարգացում, վաղաժամ ծննդաբերության ռիսկ, ընկերքային անբավարարություն:
Բաժանմունքում տարեկան միջինը հետազոտվում և բուժվում են շուրջ 2000 հղի: Վերջին տարիների ընթացքում նկատվում է բաժանմունք դիմող բարձր ռիսկի հղիների թվի ավելացման միտում:
Բաժանմունքում հետազոտվում եւ բուժվում են հետևյալ մանկաբարձական ախտաբանություններով հղիները.
• Սպառնացող վիժում
• Սպառնացող վաղաժամ ծննդաբերություն
• Կրելախախտով հղիներ
•Ժառանգական և ձեռքբերովի թրոմբոֆիլիայով հղիներ
Հետազոտվում և բուժվում են նաև գերճնշում ունեցող հղիները, այդ թվում՝ պրեէկլամպսիայով: Նման հիվանդների ծննդալուծման համար բաժանմունքում մշակում են օպտիմալ ժամկետներ և եղանակներ:
Բարձր ռիսկի հղիների բաժանմունքում հետազոտվում և բուժվում են արգանդի միոմայով, ձվարանի նորագոյացություններով և այլ գինեկոլոգիական ախտաբանություններով հղիները, ինչպես նաև հղիներ, որոնց մոտ ախտորոշված են պտղի ներարգանդային թերզարգացում, ֆետոպլացենտար անբավարարություն: Կատարվում է իսթմիկո-ցերվիկալ անբավարարության շտկում՝ վիրահատական ճանապարհով կամ մանկաբարձական պեսարիների տեղադրումով: Բարձր ռիսկի հղիների բաժանմունքում աշխատում են բարձր որակավորում ունեցող մանկաբարձ-գինեկոլոգներ, ովքեր վերապատրաստվել են արտերկրում:
Գնացանկ
Պտղաջրերի հայտնաբերում
800
Էստրադիոլ հղիության ժամանակ
6,300
Ուրեոպլազմոզ
6,000
Սեռական ճանապարհով փոխանցվող 12 ինֆեկցիա
25,000
Մարդու պապիլոմա վիրուս 16,18, 31, 33, 35, 39, 45, 51, 52, 56, 58, 59
10,000
Միկոպլազմա
6,000
Հղիության հետ զուգակցված պլազմայի-սպիտակուց PAPP-A
8,800
