Հայաստանի Հանրապետությունում բժշկական ապահովագրության ներդրումն ուղղված է բժշկական օգնության որակի և մատչելիության բարձրացմանը:
Հաշվի առնելով Հայաստանի առողջապահության պահանջները, ինչպես նաև բժշկական ապահովագրության զարգացումը, մասշտաբների ընդլայնումը և ձեռքբերումները՝ «Էրեբունի» ԲԿ-ում ստեղծվել և գործում է բժշկական ապահովագրության ծառայությունը, որը սերտ համագործակցում է ինչպես Հայաստանի տեղական «Նաիրի ինշուրանս», «Ինգո Արմենիա», «Ռեսո», «Ռոսգոստրախ Արմենիա», «Գարանտ ինշուրանս», «Սիլ ինշուրանս», «Արմենիա ինշուրանս», այնպես էլ միջազգային AP Companies Global Solution, International SOS Dubai Assistance Centre, Cigna – Provider Claims, Europe Assistance CIS, Henner/GMC – MIP Paris, Bupa Global Assistance, Allianz Worldwide Care, AXA Assistance, Vanbreda International BVBA, Savitar Group LTD ապահովագրական ընկերությունների հետ:
Բժշկական ապահովագրության շրջանակներում Հայաստանի հազարավոր քաղաքացիներ հնարավորություն ունեն «Էրեբունի» ԲԿ-ում ստանալ խորհրդատվություն, անցնել ամբուլատոր հետազոտություն՝ հաջորդող ամբուլատոր/ստացիոնար բուժմամբ:
«Էրեբունի» ԲԿ-ի ապահովագրական ծառայության աշխատակիցների և ապահովագրական ընկերությունների աշխատողների համատեղ համակարգված աշխատանքը հնարավորություն է տալիս հաշված րոպեների ընթացքում կազմակերպել հիվանդների հետազոտությունը և սկսել նրանց բուժումը:
Բժշկական ապահովագրության շրջանակներում իրականացվող բժշկական օգնություն
Շնորհիվ բժշկական ապահովագրության բնագավառում տեղական և արտասահմանյան գործընկերների ու աշխատակիցների միջև լայն ցանցի՝ հազարավոր պացիենտներ դիմում են «Էրեբունի» ԲԿ ախտորոշիչ հետազոտության, ամբուլատոր և ստացիոնար (ներառյալ՝ վիրահատական) բուժման նպատակով:
Բժշկական ապահովագրության շրջանակներում «Էրեբունի» ԲԿ-ում իրականացվում են անգիոգրաֆիա, գլխուղեղի անոթների վրա ներանոթային միջամտություններ, կորոնար անոթների ստենտավորում, սրտի արհեստական ռիթմավարի իմպլանտացիա, կարդիովիրաբուժական, նեյրովիրաբուժական, ուրոլոգիական, օրթոպեդիկ և այլ պրոֆիլի վիրահատություններ՝ ժամանակակից բժշկական տեխնոլոգիաների կիրառմամբ:
Բժշկական օգնության կազմակերպումը
Պլանային այցի ժամանակ պացիենտը պետք է նախապես կապ հաստատի ապահովագրական ընկերության հետ, ձևակերպվի հայտարարություն, որից հետո միայն ուղեգրվի կլինիկա:
Անհետաձգելի դեպքերում պացիենտն անմիջապես դիմում է բժշկական կենտրոն. պացիենտը լիիրավ իր հայեցողությամբ կարող է ընտրել բժշկական հաստատությունը, որտեղ նա ցանկանում է անցնել հետազոտություն կամ բուժում:
Սոցիալական փաթեթի շահառուների բուժօգնության ծրագրում ներառված են՝
«Էրեբունի» բժշկական կենտրոնում գործող ապահովագրական ծառայության մասնագետները ապահովում են բուժկենտրոնի և ՀՀ գործող բոլոր ապահովագրական ընկերություների համագործակցությունը: Առողջական խնդրի դեպքում ծրագրի շահառուները կարող են շուրջօրյա դիմել բժշկական կենտրոն՝ ներկայացնելով անձը հաստատող փաստաթուղթ:
Պացիենտների բժշկական ապահովագրության սպասարկման բաժնի ղեկավար՝ բ.գ.թ. Լուսինե Սարդարյան
Պաշտոն. բժշկական ապահովագրության ծառայության ղեկավար
Մասնագիտությունը. ալերգոլոգ-իմունոլոգ
Հեռախոս. +374 10 47 16 00, (055)55 30 70
Սոցիալական փաթեթի ծրագրով իրականացվող բժշկական օգնություն
Համաձայն ՀՀ կառավարութան առ 27 մարտի 2014 թ. 375- Ն հրամանի սոցփաթեթի շահառուներին հնարավորություն է տրվում անցնել անվճար վիրաբուժական և թերապեվտիկ բուժում: Էրեբունի ԲԿ -ում սոցփաթեթի շահառուները հնարավորություն ունեն անվճար օգտվել բուժման այնպիսի տեսակներից, ինչպիսիք են ` ներանոթային միջամտություններ ,սրտի վիրահատություններ, այդ թվում նաև կորոնար անոթների ստենտավորում, ռիթմը վարող սարքերի իմպլանտացիա, լիթոտրիպսիա, տարբեր պրոֆիլի վիրահատություններ, ստացիոնար բուժում թերապևտիկ բաժանմունքներում նոզոլոգիաներով, որոնք ներառված են բժշկական ապահովագրական փաթեթում:
Բժշկական օգնության կազմակերպումը սոցփաթեթի շահառուների համար
Պլանային այցի ժամանակ պացիենտը պետք է ներկայացնի `
Իսկ անհետաձգելի դեպքերում պացիենտը կարող է անմիջապես դիմել բուժկենտրոն:
