«Էրեբունի» բժշկական կենտրոն

«Էրեբունի» ԲԿ ծննդատան կանանց առողջության կենտրոնի գործունեության հիմնական ուղղությունը կնոջ վերարտադրողական առողջության պահպանումն ու վերականգնումն է: Կանանց առողջության կենտրոնը հիմնվել է 1992թ. ՀՀ առողջապահության նախարարության, Երևանի քաղաքապետարանի, Հարվարդի համալսարանի, Բեթ-Իսրայել հիվանդանոցի (Բոստոն), ԱՄՆ ՄԶԳ(USAID)-ի, Ամերիկյան ՄԱՄ(AINA) կազմակերպությունների աջակցությամբ: Կենտրոնն աշխատում է միջազգային չափանիշներին համապատասխան ուղեցույցներով: Կանանց առողջության կենտրոնում իրականացվում են

Հղիների նախածննդյան հսկողություն, ներառյալ՝ բարձր ռիսկի խմբի և մարմնական ախտաբանություններով հղիություններ

Հղիների հոգեբանական և ֆիզիկական նախապատրաստում ծննդաբերությանը՝ ըստ ԼԱՄԱԶ-ի ծրագրի

Գինեկոլոգիական հիվանդների հետազոտություն և բուժում

Կրծքագեղձի և արգանդի վզիկի քաղցկեղի կանխարգելման սքրինինգային ծրագրեր

Անպտղության պատճառների հայտնաբերման նպատակով համալիր հետազոտության իրականացում

Տարբեր նեղ մասնագետների խորհրդատվության կազմակերպում

Գինեկոլոգիական ախտաբանությունների կոնսերվատիվ և վիրահատական բուժում

Անպտղության ախտորոշում և բուժում

Ընտանիքի պլանավորման հարցեր

Ժամանակակից բարձր տեխնոլոգիաներով հագեցվածությունը, բարձր որակավորում ունեցող մասնագետները, ինչպես նաև բազմապրոֆիլ բուժկենտրոնի հնարավորությունները թույլ են տալիս կնոջը լիարժեք հետազոտվել և ստանալ միջազգային լավագույն կլինիկաներին համապատասխան բուժում:

		Գինեկոլոգիական հիվանդությունների հետազոտություն և բուժում.
անպտղություն, դաշտանային ցիկլի խանգարում, սեռական ճանապարհով փոխանցվող վարակներ, արգանդի և նրա հավելումների բարորակ ու չարորակ նորագոյացություններ, դաշտանադադարի հետ կապված խանգարումներ, արգանդի վզիկի ախտաբանություն, էնդոկրին խանգարումներ:
		Կրծքագեղձի և արգանդի վզիկի քաղցկեղի կանխարգելման սքրինինգային ծրագրեր.
մամոգրաֆիա, դենսիտոմետրիա, բիոփսիա, բջջաբանություն (Рар-test), կոլպոսկոպիա, լազեր, LEEP:
		Խորհրդատվության տրամադրում ընտանիքի պլանավորման և հակաբեղմնավորման հարցերի վերաբերյալ
		Նախածննդյան խնամք
		Բարձր ռիսկի խմբի հղիների վարում, հղիության I եռամսյակի սքրինինգ
		Պտղի ԿՏԳ և ախտորոշման ու բուժման միջամտական եղանակներ (ամնիոցենտեզ, ամնիոռեդուկցիա, ամնիոինֆուզիա, խորիոնի բիոփսիա)
		Լամազի դպրոց, զուգընկերոջ ներկայությունը ծննդաբերության ընթացքում, հոգեբանական և ֆիզիկական նախապատրաստում ծննդաբերությանը
		Ուսումնական ծրագրեր հիվանդների և անձնակազմի համար
		Ախտորոշիչ հետազոտություններ.
ուլտրաձայնային հետազոտություն եռաչափ և քառաչափ ձևաչափերով (3 և 4D), դոպլեր-հետազոտություն, կլինիկական, բջջաբանական, կենսաքիմիական, շճաբանական, հորմոնալ, մանրէաբանական հետազոտություններ:
		Այլ մասնագետների խորհրդատվություն (էնդոկրինոլոգ, սրտաբան, նյարդաբան և այլն):

Կանանց վերարտադրողական առողջության կենտրոնի ձեռքբերումները

• Առաջին անգամ Հայաստանում կիրառվել է բջջաբանական հետազոտություն՝ ըստ Պապանիկոլաուի (РАР-թեստ), արգանդի վզիկի բուժում՝ LEEP կիսահաղորդիչ լազերի կիրառմամբ:
• Ներդրվել են հղիների և գինեկոլոգիական հիվանդների վարման ուղեցույցները:
• Ներդրվել է հղիների նախածննդյան հոգեբանական և ֆիզիկական նախապատրաստման ծրագիրը՝ զուգընկերոջ մասնակցությամբ (ԼԱՄԱԶ-ի դպրոց):
• Ներդրվել են ուսումնական ծրագրեր հիվանդների համար (բուկլետներ, դասախոսություններ, տեսանյութեր):
• Ներդրվել են հիվանդների հաշվառման և գրանցման համակարգչային ծրագրեր:
• Խորհրդատվություն՝ ընտանիքի պլանավորման հարցերով:
• Արգանդի վզիկի և կրծքագեղձի քաղկեղի կանխարգելման սքրինինգ և խորհրդատվություն: