«Էրեբունի» բժշկական կենտրոնը վերջերս Վալենսիայում կայացած Եվրոպայի ալերգոլոգների և իմունոլոգների ասոցիացիայի (EAACI) գումարած ամենամյա գիտաժողովում առաջին անգամ առանձին տաղավարով է ներկայացել: Հայաստանի պատվիրակությունը, «Էրեբունի» բժշկական կենտրոնի ալերգոլոգիական ծառայության ղեկավար Քրիստինա Ջամալյանի ղեկավարությամբ, մասնակցել է եվրոպական տարածաշրջանի կարևորագույն հանդիպմանը: Հայաստանի ալերգոլոգների և իմունոլոգների ասոցիացիայի պատվիրակները Եվրոպայի ալերգոլոգների և իմունոլոգների ասոցիացիայի (EAACI) գիտաժողովի նիստերի ընթացքում ծանոթացել են ալերգոլոգիական հիվանդությունների ախտորոշման և բուժման վերջին ուղեցույցներին, քննարկել մասնագիտական հարցեր: Հայտնի է, որ այս տարվա հոկտեմբերին Հայաստանում միջազգային կոնֆերանս է անցկացվելու և արտերկրի գործընկերների հետ հստակեցվելու են նաև այդ միջոցառման կազմակերպման հետ կապված բազմաթիվ հարցեր:
