22.12.16թ. «Էրեբունի» ԲԿ-ի Սրտաբանական կենտրոնի նիստերի դահլիճում տեղի ունեցավ հերթական սեմինարը (անցկացվում է ամեն հինգշաբթի) «Աորտոկորոնար շունտավորում երկու՝ ներքին կրծքային զարկերակների միջոցով» թեմայով:
Նշված թեմայի վերաբերյալ ելույթ ունեցավ «Էրեբունի» ԲԿ սրտային վիրաբուժության բաժանմունքի վարիչ բ.գ.թ. Վ.Հ.Գասպարյանը.
Այս վիրահատության առավելությունը ստանդարտ ԱԿՇ-ի համեմատությամբ բացառապես զարկերակային շունտերի օգտագործումն է, որը թույլ է տալիս շունտավորել մինչև 4 կորոնար զարկերակ (սրտամկանի զարկերակային ամբողջական ռեվասկուլյարիզացիա), ինչը շատ կարևոր է՝ կրկնակի միջամտությունների անհրաժեշտությունից խուսափելու համար՝ վիրահատությունից հետո երկարաժամկետ հեռանկարում: Սա հատկապես կարևոր է երիտասարդ հիվանդների համար:
Այս վիրահատությունը հաջողությամբ ներդրվել է «Էրեբունի» ԲԿ սրտային վիրաբուժության բաժանմունքի կլինիկական պրակտիկայում և կիրառվում է մինչև 55 տարեկան հիվանդների շունտավորման համար։
