Ամբողջ աշխարհում օրեցօր աճում է քաղցկեղային հիվանդությունների մասնաբաժինը և սիրտ-անոթային հիվանդություններից հետո այն գրավում է երկրորդ տեղը: Քաղցկեղի բուժման ուղիներն են՝ վիրահատությունը, քիմիաթիրախային թերապիան, ճառագայթային բուժումը: Բուժման այսպիսի համակցման շնորհիվ է միայն իրականալի դառնում քաղցկեղի հաղթահարումը:
Բաժանմունքը ղեկավարում է ՀՀ ԱՆ գլխավոր քիմիաթերապևտ, բ.գ.թ. Հայկուհի Գյոքչյանը: Բաժանմունքում անցկացվում են քիմիաթերապիայի և թիրախային/target/թերապիայի ժամանակակից ուղեցույցներին և ապացուցողական բժշկության հիմունքներին համապատասխան բուժում /ESMO, NCCN/: Կատարվում է ախտորոշում հիմնվելով էնդոսկոպիկ, ճառագայթային, ռադիոիզոտոպային, բիոպսիոն, իմունոհիստոքիմիական, գենետիկական եվ այլ մեթոդների հիման վրա: Կարևորվում է առանձնապես ուղեկցող թերապիայի ուղեցույցները, որոնց նպատակն է հնարավորինս մեղմել քիմիաթերապիայից առաջացած բարդությունները և կանխարգելել դրանց առաջացումը: Քիմիաթերապիան անցկացվում է ինֆուզիոն պոմպերի միջոցով՝ կարգավորելով դեղամիջոցի ընդունման քանակն ու արագությունը: Երկարատև կուրսերի անհրաժեշտության դեպքում տեղադրվում է port-a-cath, որը թույլ է տալիս մուտք գործել դեպի կենտրոնական երակային համակարգ և տարածել դեղամիջոցը ամբողջ օրգանիզմով առանց կրկնակի պերիֆերիկ ներերակային ներարկումների:
Բաժանմունքում տեղադրվելու է նաև Paxman cooling cap կոչվող սարքավորումը, որը հեղուկ սառեցված սիլիկոնե գելի միջոցով սառեցնում է գլխի մազածածկ հատվածը քիմիաթերապիայի ընթացում և 70-80 տոկոսով կանխում է քիմիաթերապիայից առաջացող մազաթափությունը:
Քիմիադեղամիջոցները լուծվում են հեղուկների մեջ և ներարկման պատրաստվում հատուկ մանիպուլյացիոն սենյակում, որտեղ ապահովված է ստերիլությունը և համապատասխան քաշիչ պահարանը:
Ուռուցքաբանության բաժանմունքում բուժում իրականացվում է սոլիդ ուռուցքներով հիվանդներին՝
- կենտրոնական նյարդային համակարգի ուռուցքներ
- դիմածնոտային
- կրծքագեղձ
- թոք
- ստամոքս-աղիքային տրակտ
- միզասեռական
- գինեկոլոգիական
- հերմինոգեն
- ոսկրային
- փափուկ հյուսվածքային
- մելանոմա
- նեյրոէնդոկրին
Համապատասխան տեղակայման ուռուցքի բուժման տակտիկան և ստրատեգիան, ըստ ժամանակակից եվրոպական և ամերիկյան ուղեցույցների, թարգմանված, մշակված և ներկայացված է մեր կողմից chemotherapy.am կայքում:
