Հայաստանի անհետաձգելի և աղետների բժշկության միջազգային ուսումնավարժական կենտրոնը «Էրեբունի» բժշկական կենտրոնի, Բեթ Իսրայել Սարկավագ բժշկական կենտրոնի Հարվարդի բժշկական ֆակուլտետի բժիշկների և Կարմիր խաչի միջազգային կոմիտեի համագործակցության արդյունքն է։
Ժամանակակից ուսումնական կենտրոնը հագեցած է անհրաժեշտ նյութերով, սիմուլացիոն մանեկեններով, սարքավորումներով: Այստեղ դասավանդում են որակավորված բարձրակարգ մասնագետներ, որոնք վերապատրաստվել են ԱՄՆ տարբեր կենտրոններում և միջազգային ծրագրերով դասավանդելու իրավունք են ստացել:
«Էրեբունի» ԲԿ հիմանդիր Հարություն Քուշկյանը և Բեթ Իսրայել Սարկավագ բժշկական կենտրոնի Աղետների բժշկության բաժնի տնօրեն, Հարվարդի բժշկական համալսարանի Անհետաձգելի բժշկության պրոֆեսոր, Աղետների և արտակարգ իրավիճակների բժշկության համաշխարհային ասոցիացիայի նախկին նախագահ Գրեգորի Սիըթոնի ստորագրած համագործակցության հուշագրով հիմք է դրվել արտակարգ իրավիճակների ուսումնակրթական ծրագրերին:
Ուսումնառության ընթացքում բուժաշխատողները ոչ միյան սովորում են, թե կյանք փրկող ի՞նչ միջոցառումներ են անհրաժեշտ արտակարգ իրավիճակներում, այլև ինչպես կողմնորոշվել և օգտագործել համայնքի կամ ականատեսների ռեսուրսները՝ կրիտիկական իրավիճակներ հաղթահարելու համար:
Հայաստանի անհետաձգելի և աղետների բժշկության միջազգային ուսումնավարժական կենտրոնի նպատակն է պատրաստել որակյալ մասնագետներ, որոնք արագ և արդյունավետ բուժօգնություն կցուցաբերեն աղետների կամ արտակարգ իրավիճակների ժամանակ:
