«Էրեբունի» բժշկական կենտրոն

«Էրեբունի» բժշկական կենտրոնի Ընդհանուր վիրաբուժական բաժանմունքը հանրապետության առաջատար բաժանմունքներից է, որտեղ կատարվում են բարդ և նորարարական վիրահատություններ: Ընդհանուր վիրաբուժական բաժանմունքում իրականացվում են

• ցանկացած տեսակի ախտորոշիչ միջամտական գործողություններ, այդ թվում նաև՝ ներքին օրգանների բիոպսիա
• վիրահատություններ կրծքավանդակի օրգանների վրա՝ ներառյալ փակ թորակոսկոպիկ միջամտություններ
• վիրահատություններ որովայնի խոռոչի օրգանների վրա՝ առավելապես լապարոսկոպիկ մեթոդի կիրառմամբ
• վիրահատություններ կրծքագեղձերի վրա՝ ներառյալ օրգանապահպան և վերականգնողական միջամտությունները, որոնք երաշխավորում են լիարժեք վերականգնում

Որովայնային վիրաբուժությության մեջ ներառված են հետևյալ դեպքերը.

• ԱՍՈւ զարգացման արատներ և անոմալիաներ (Հիրշպրունգի հիվանդություն, ԱՍՈւ ատրեզիաներ և ստենոզներ, աղիների երկատում, Մեկելի դիվերտիկուլ, պիլորոստենոզ և այլն)
• կպումային հիվանդություններ
• ստամոքսի և աղիների հիվանդությունների դեպքում իրականացվում են ռեկոնստրուկտիվ վիրահատությունների բոլոր տեսակները
• ստամոքսի մասնահատում՝ տարբեր եղանակների կիրառմամբ, միջամտություններ խոցային արյունահոսության, թափածակման առկայության դեպքում
• վիրահատություններ աղիների բորբոքային հիվանդությունների դեպքում, բարակ և հաստ աղու մասնահատում
• Կրոնի հիվանդության բարդությունների դեպքում, ինչպիսիք են՝ խուղակների գոյացումը (էնտերոկուտան, էնտերովագինալ, էնտերոէնտերալ, էնտերովեզիկուլար), ստենոզներն ու աբսցեսների առաջացումը
• վիրահատություններ խոցային կոլիտի առկայության դեպքում, պրոկտոկոլէկտոմիա անալ իլեոանաստամոզի տեղադրմամբ
• գաստրոէզոֆագեալ ռեֆլյուքսային հիվանդություն (ԳԷՌՀ)
• տարբեր տեղակայման կիստաներ և ճողվածքներ

Բաժանմունքում իրականացվում է լյարդի և լեղուղիների վիրահատական բուժում.

• հեպատոբիլիար գոտու զարգացման անոմալիա (լեղուղիների ատրեզիա, լեղածորանի կիստա, լյարդի հեմանգիոմաներ և այլն)
• լեղաքարային խոլեցիստիտ
• դռներակային գերճնշում
• սպլենոմեգալիա

Իրականացվում են նաև կոլոպրոկտոլոգիական միջամտություններ հետևյալ ախտաբանությունների դեպքում.

• հետանցքի և ուղիղ աղու զարգացման արատներ և անոմալիաներ (հետանցքի և ուղիղ աղու ատրեզիաներ, ուղիղ աղու խուղակներ, կլոակալմալֆորմացիաներ)
• մեգառեկտում
• հետանցքի սպիական նեղացումներ
• հարուղիղաղիքային խուղակներ
• ուղիղ աղու լորձաթաղանթի արտանկում
• հետանցքի սեղմանի անբավարարություն
• հարպոչուկային, նախասրբանային կիստաներ:

Բաժանմունքում իրականացվում են վիրահատություններ թոքերի, բրոնխների, թոքամզի, ստոծանու և այլ օրգաններիվ վրա: Մշակվել և գործնականում ներդրվել են կրծքավանդակի պատի և պլևրալ խոռոչի պլաստիկ վերականգնման ժամանակակից մեթոդները, ինչպես նաև հետվիրահատական բարդությունների կասեցմանն ուղղված վիրահատությունները: Կլինիկայում լայնորեն կիրառվում են վիրահատության քիչ տրավմատիկ եղանակները՝ թորակասկոպիկ և էնդոսկոպիկ (WATS) տեսանկարահանվող վիրաբուժական միջամտությունները, որոնք ժամանակակից կրծքային վիրաբուժության ժամանակակից մեթոդներ են:

Կրծքավանդակի վիրաբուժությունն ընդգրկում է հետևյալ հիվանդությունների վիրահատական բուժումը

• բրոնխաթոքային համակարգի զարգացման արատներ (ստոծանիական ճողվածքներ, շնչափողի և բրոնխների ստենոզ, թոքի ատելէկտազ, թոքի սեկվեստրներ, կիստաադենոմատոզային մալֆորմացիաներ, բրոնխաթոքային կիստաներ և այլն)
• ԱՍՈւ վերին հատվածների զարգացման արատներ (կերակրափողի ստենոզ, կերակրափողի ատրեզիա, շնչափողակերակրափողային խուղակներ, կերակրափողի դիվերտիկուլ և այլն)
• թոքի տարբեր ծագման կիստաներ
• միջնորմի բարորակ նորագոյացություններ
• կրծքավանդակի ձևախախտում
• կերակրափողի հետվնասվածքային, պեպտիկ, հետայրվածքային ստենոզներ, շնչափողի ցանկացած ծագման ստենոզ
• թոքերի անոթային մալֆորմացիաներ:

Բաժանմունքում լայնորեն կիրառվում են մինի-ինվազիվ տեխնոլոգիաներ (կրծքային վիրահատությունների մոտավորապես 70%-ն իրականացվում է տեսաթորակասկոպիայի կիրառմամբ): Թոքային հյուսվածքի հնարավորինս պահպանումը հաջողվում է իրականացնել նեոդիմային YAG-լազերի օգնությամբ, որի կիրառումը հատկապես անհրաժեշտ է թոքից բազմաթիվ մետաստազների հեռացման դեպքում: Ներդրված են պլաստիկ վիրահատություններ՝ ողնաշարի և ողնաշարային խողովակի վնասումներով, ինչպես նաև պառկելախոցերով հիվանդների համար: Իրականացվում է կրծքագեղձի ցանկացած վիրահատություն. կրծքի չափերի և ձևի փոփոխություն կրծքի հեռացումից հետո կամ բնածին արատների դեպքում: Բաժանմունքում հաջողությամբ իրականացվում են նաև լապարոսկոպիկ և էնդովիդեոսկոպիկ վիրահատություններ:

Բաժանմունքում իրականացվող մինի-ինվազիվ կրծքային վիրաբուժական միջամտություններն են.

• միջնորմի ավշային հանգույցների և թոքի թորակասկոպիկ բիոպսիա
• միջնորմի կիստաների և ուռուցքների թորակասկոպիկ հեռացում՝ ներառյալ թիմէկտոմիան տարածուն միասթենիայի դեպքում, թորակասկոպիկ վիրահատություններ՝ սպոնտան պնևմոթորաքսի, ափային հիպերհիդրոզի, թոքերի էմֆիզեմայի, պլևրիտի կապակցությամբ
• թոքերի բարորակ և չարորակ նորագոյացությունների կապակցությամբ իրականացվող բոլոր վիրահատությունները
• թոքի մետաստատիկ ուռուցքների և քաղցկեղի համալիր բուժում՝ ներառյալ թոքի մասնահատումը նեոդիմային YAG-լազերի կիրառմամբ
• կերակրափողի դիվերտիկուլների և ուռուցքների կապակցությամբ իրականացվող բոլոր վիրահատությունները
• շնչափողի և բրոնխների ռեկոնստրուկտիվ վիրաբուժություն՝ ներառյալ շնչափողի ստենոզների և շնչափողակերակրափողային խուղակների ժամանակ իրականացվող վիրահատությունները
• ստոծանիական ճողվածքների վիրահատական բուժում
• էխինոկոկոզի և թոքերի այլ մակաբուծային հիվանդությունների վիրահատական բուժում

Իրականացվում են նաև մինի-ինվազիվ որովայնային վիրահատական միջամտություններ հետևյալ դեպքերում

• սուր ապենդիցիտի բարդացած և չբարդացած ձևեր
• պերիապենդիկուլյար ինֆիլտրատներ և աբսցեսներ
• սուր խոլեցիստիտ
• լեղաքարային հիվանդություն
• աճուկային ճողվածքներ
• սերմնալարի և ամորձու երակների վարիկոզ լայնացում
• Մեկելի դիվերտիկուլիտ
• աղիների թափածակում
• կպումային աղիքային անանցանելիություն:

Նորագույն սարքավորումներով հագեցվածության, մասնագիտական բարձր որակավորմամբ մասնագետների շնորհիվ բաժանմունքում իրականացվումեն ոչ միայն բարդ, այլև եզակի կրծքային և որովայնային վիրահատություններ: