«Էրեբունի» բժշկական կենտրոն

Էրեբունի բժշկական կենտրոնի անհետաձգելի բուժօգնության ծառայությունը ստեղծվել է 2001 թվականին՝ Հենրի Մոնդոր փարիզյան համալսարանական կլինիկայի հետ համագործակցության արդյունքում և համապատասխանում է ֆրանսիական SAMU անհետաձգելի բուժօգնության ծառայության չափանիշներին: Անհետաձգելի բուժօգնության ծառայությունն իր գործունեության մեկ տասնամյակից ավելի ժամանակահատվածում հասցրել է աչքի ընկնել բարձր մասնագիտացմամբ, եզակի աշխատելաոճով: Այն իր տեսակի մեջ եզակի է Հայաստանում, քանի որ շտապօգնության առաջին մասնավոր ծառայությունն է, որը գործում է եվրոպական ուղեցույցներին համապատասխան:

Էրեբունի բժշկական կենտրոնի շտապօգնության ծառայությունն իր շուրջօրյա գործունեությունն իրականացնում է Երևանի տարածքում, ՀՀ բոլոր մարզերում, ԼՂՀ-ում, Վրաստանում:

Շտապօգնության նոր հարմարավետ մեքենաները (ռեանիմոբիլները) հագեցած են ինչպես տանը, այնպես էլ տեղափոխման ընթացքում անհետաձգելի բուժօգնության և վերակենդանացման համար անհրաժեշտ բոլոր սարքավորումներով: Անհետաձգելի բուժօգնության ծառայությունն իրականացվում է կենտրոնի առաջատար մասնագետների կողմից: Յուրաքանչյուր օր հերթապահության են դուրս գալիս երեքական բրիգադներ` ընդհանուր վերակենդանացման, սրտաբանական և գծային՝ ընդհանուր վիրաբուժական ուղղվածությամբ: Անհրաժեշտության դեպքում շտապօգնության թիմի մեջ ընդգրկվում են նաև նեղ մասնագետներ:

Դիսպետչերը հատուկ ռադիոկապի միջոցով ապահովում է կապը շտապօգնության մեքենայի և հիվանդանոցի մասնագետների միջև՝ հնարավորություն տալով ցուցաբերել բարձրակարգ բուժօգնություն արդեն մեքենայում: Մինչև պացիենտի կլինիկա ժամանումը համապատասխան ծառայությունները լինում են լիովին պատրաստ իրենց հետագա գործողություններին:

Զանգահարեք 8119 կամ (010) 47 70 70 և մենք կփրկենք Ձեր հարազատների և մտերիմների կյանքը։