«Էրեբունի» բժշկական կենտրոն

Ինչ է համակարգչային տոմոգրաֆիան

Համակարգչային տոմոգրաֆիան` ինչպես ընդունված է կոչել KT (ԿԱ ՏԵ) հետազոտությունը, ախտորոշման մեթոդ է, որով հնարավոր է հայտնաբերել մի շարք հիվանդություններ և ախտաբանական վիճակներ: Համակարգչային տոմոգրաֆիայի ընթացքում ստացված ինֆորմացիան, անցնելով հետագա մշակումներ համակարգում, կազմում է օրգան-համակարգերի ամբողջական պատկեր՝ թույլ տալով տարբերակել օրգանների անատոմիական և ֆիզիոլոգիան փոփոխությունները:Այն ռենտգենյան ճառագայթների վրա հիմնված, առանց ցավի, ոչ ինվազիվ հետազոտական մեթոդ է:

Ինչ օրգաններ կարելի է հետազոտել համակարգչային տոմոգրաֆիայի միջոցով

Համակարգչային տոմոգրաֆիայի միջոցով հնարավոր է հետազոտել`

• կրծքավանդակի օրգանները
• որովայնի և հետորովայնամզային տարածքի օրգան- համակարգերը
• փոքր կոնքի օրգանները
• սրտանոթային համակարգը
• քիթ-կոկորդ-ականջ օրգանները
• ոսկրամկանային համակարգը

Համակարգչային տոմոգրաֆիան բավականին արդյունավետ մեթոդ է տարբեր օրգանների՝ նույնիսկ փոքր չափերի բարորակ և չարորակ նորագոյացությունների հայտնաբերման, նրանց բնույթը, տարածվածության աստիճանը որոշելու համար:

Ինչպես պատրաստվել համակարգչային տոմոգրաֆիկ հետազոտությանը

Համակարգչային տոմոգրաֆիկ հետազոտություն կատարելու համար չկան հատուկ սահմանափակումներ: Կարևոր չէ նաև անոթի կամ կուշտ լինլը, պետք չէ հետաձգել ամենօրյա դեղերի ընդունումը, եթե այդպիսիք կան: Հիմնականում գլխի, պարանոցի, կրծքավանդակի հետազոտություններից առաջ հատուկ նախապատրաստում չի պահանջվում:

Ինչ է ՀՏ (ԿԱ ՏԵ) անգիոգրաֆիան

Որովայնի խոռոչի և փոքր կոնքի օրգանների հետազոտության համար կարող է նշանակվել ՀՏ անգիոգրաֆիա` համակարգչային տոմոգրաֆիա կոնտրաստ նյութով: Այս պարագայում մինչև հետազոտությունն անհրաժեշտ է որոշակի նախապատրաստություն: Եվ այսպես, եթե պացիենտին ցուցված է համակարգչային տոմոգրաֆիա՝ կոնտրաստային նյութով, ապա նախապես անհրաժեշտ է կատարել արյան կենսաֆիմիական հետազոտություն՝ որոշելու կրեատինինի քանակությունը: Բարձր կրեատինինի դեպքում ՀՏ անգիոգրաֆիան hակացուցված է: '''''Եթե կրատինինը արյան մեջ նորմայի սահմաններում է, ապա ՀՏ անգիոգրաֆիա կատարելուց առաջ պացիենտին կոնտրաստ նյութ է ներարկվում, ինչը հնարավորություն է տալիս ստանալ առավել որակյալ և ցայտուն պատկերներ: Հետազոտությունն իրականացվում է անոթի` սննդի վերջին ընդունումը պետք է լինի հետազոտությունից 2-3 ժամ առաջ: Կոնտրաստ նյութը օրգանզիմից դուրս է գալիս 24 ժամվա ընթացքում:

Համակարգչային տոմոգրաֆիայի հակացուցումները

Համակարգչային տոմոգրաֆիայի իրականացման բացարձակ հակացուցումներ չկան: Հարաբերական հակացուցումները հիմնականում կապված են կոնտրաստ նյութի կիրառման հետ: Դրանք են.

• ալերգիկ հիվանդություններ, հատկապես՝ բրոնխիալ ասթմա
• յոդի լուծույթի նկատմամբ ալերգիա
• երիկամային անբավարարություն
• հղիություն
• վահանաձև գեղձի հիպերթիրեոզ

Ինչ է տեղի ունենում համակարգչային տոմոգրաֆիկ հետազոտության ընթացքում

Հետազոտության ամբողջ ընթացքում հիվանդը գտնվում է պառկած դիրքում: Ըստ հետազոտվող օրգանի համար նախատեսված ծրագրի՝ ընթացքը կարող է տևել 10-ից 30 րոպե:

Հղիություն և համակարգչային տոմոգրաֆիա

Հղիին համակարգչային տոմոգրաֆիկ հետազոտություն ցուցվում է ըստ անհրաժեշտության:

Որոնք են «Էրեբունի» ԲԿ-ի համակարգչային տոմոգրաֆիայի ծառայության առավելությունները

«Էրեբունի» ԲԿ-ի համակարգչային տոմոգրաֆիայի ծառայությունը համալրված է SIEMENS Healthineers SOMATOM GO UP համակարգչային 3 տոմոգրաֆներով: Նորագույն ինժեներական լուծումների շնորհիվ 1,5 անգամ կրճատվել է հետազոտության ժամանակահատվածը, 4-ից 6 անգամ նվազեցվել է ճառագայթման չափաբաժինը, կրճատվել է նաև ներարկվող կոնտրաստային նյութի քանակը, միաժամանակ պահպանվել է պատկերի որակը:

Համակարգչային տոմոգրաֆիայի ծառայությունը տեղակայված է 1-ին հարկում` մուտքից դեպի աջ: