Հայաստանում առաջին անգամ անցկացվել է սրտաբանական կոնֆերանս, որը մեկ հարթակում է միավորել հայաստանյան և միջազգային լավագույն սրտաբաններին:
ՀՀ առողջապահության նախարար Անահիտ Ավանեսյանը, ողջունելով համաժողովի մասնակիցներին, կարևորեց նմանատիպ միջոցառումների անցկացումը, որոնք կնպաստեն սրտանոթային հիվանդությունների կանխարգելմանը։
Սրտաբանական կենտրոնի ղեկավար Համլետ Հայրապետյանն իր խոսքում նշեց, որ հայտնի սրտաբան Անտոնիո Կոլոմբոյի՝ Հայաստանում կատարած առաջին վիրահատությունը պատմական փաստ է, որը կարևոր է ինչպես «Էրեբունի» բժշկական կենտրոնի, այնպես էլ Հայաստանի համար։
