«Էրեբունի» բժշկական կենտրոն

«Էրեբունի» ԲԿ-ի էնդոկրինոլոգիական ծառայությունում իրականացվում է էնդոկրին հիվանդությունների լայն սպեկտրի ախտորոշում և բուժում: Ախորոշումն իր մեջ ներառում է պացիենտի հորմոնալ ուղղվածության լայնածավալ լաբորատոր հետազոտություններ, էնդոկրին համակարգի օրգանների հետազոտություն, այս կամ այն հիվանդության գենետիկական գործոնների առկայության հայտնաբերում և համապատասխան բուժման նշանակում:

Էրեբունի բժշկական կենտրոնի բազմապրոֆիլության շնորհիվ հնարավոր է էնդոկրինոլոգիական հիվանդների բազմամասնագիտական թիմի բժիշկների խորհրդատվության կազմակերպում (սրտաբաններ, ակնաբույժներ, նեֆրոլոգներ, նյարդաբաններ, էնդոկրին վիրաբույժներ, անոթային վիրաբույժներ և այլ մասնագետներ), ինչը զգալիորեն դյուրացնում է հիվանդությունների ախտորոշման գործընթացը և նպաստում արդյունավետ համալիր բուժման իրականացմանը:

Բաժանմունքի աշխատանքի հիմնական սկզբունքներն են. էնդոկրին հիվանդությունների ախտորոշման և բուժման ժամանակակից սխեմաների օգտագործումը՝ ապացուցողական բժշկության սկզբունքներին համապատասխան, և գործնականում ախտորոշման լաբորատոր ու գործիքային մեթոդների նորամուծությունների ակտիվ կիրառումը, ինչը նպաստում է էնդոկրին հիվանդությունների ժամանակին և ճիշտ հայտնաբերմանը:

• Հորմոնների խտության որոշման բարձր զգայուն մեթոդներ,
• ուլտրաձայնային հետազոտություն,
• ռենտգենագրաֆիա (թրքական թամբ, դաստակներ, ողնաշար),
• սցինտիգրաֆիա (վահանաձև գեղձի, հարվահանաձև գեղձերի, ամբողջ մարմնի),
• համակարգչային տոմոգրաֆիա (մակերիկամներ),
• մագնիսառեզոնանսային տոմոգրաֆիա (հիպոֆիզ, մակերիկամներ),
• բարակասեղային ասպիրացիոն բիոպսիա (վահանաձև գեղձի):

Փորձառու բժիշկ-էնդոկրինոլոգների կողմից կազմակերպվում է էնդոկրին համակարգի բազմաբնույթ խանգարումներով հիվանդների լայն շրջանի մասնագիտացված օգնություն:

Շաքարային դիաբետ.

• շաքարային դիաբետ. 1-ին տիպ,
• շաքարային դիաբետ. 2-րդ տիպ,
• շաքարային դիաբետի բարդությունների բուժում ՝ ստորին վերջույթների դիստալ դիաբետիկ սիմետրիկ պոլինեյրոպաթիա, դիաբետիկ անգիոպաթիա:

Վահանաձև գեղձի հիվանդություններ.

• յոդ-սակավային հիվանդություններ,
• դիֆուզ տոքսիկ խպիպ,
• աուտոիմուն թիրեոիդիտ-հաշիտոքսիկոզ,
• ենթասուր թիրեոիդիտ,
• հիպոթիրեոզ,
• թիրեոտոքսիկոզ:

Հարվահանաձև գեղձի հիվանդություններ.

• հիպոպարաթիրեոզ,
• հիպերպարաթիրեոզ:

Մակերիկամի ֆունկցիայի խանգարումներ.

• Կուշինգի համախտանիշ,
• հիպերալդոստերոնիզմ,
• ադրենո-գենիտալ համախտանիշ:

Վերարտադրողական խանգարւմներ.

• դեռահասների ֆիզիկական և սեռական զարգացման խանգարում,
• ճարպակալում,
• ձվարանների դիսֆունկցիա,
• ձվարանների պոլիկիստոզ համախտանիշ:

Հիպոթալամո-հիպոֆիզար խանգարումներ.

• պրոլակտինոմա, ակրոմեգալիա,
• ոչ շաքարային դիաբետ,
• Շիենի համախտանիշ:

Հիվանդների վիճակի բարելավման նպատակով բաժանմունքի բժիշկներն առաջարկում են իրականացնել համալիր թերապևտիկ միջամտություններ՝ հիմնված դեղորայքային բուժման վրա, համակցված ֆիզիոթերապիայի ուղեցույցների, վերականգնողական գիմնաստիկայի ու յուրաքանչյուր հիվանդի համար անհատական մշակված սննդակարգային առաջարկների հետ:

Այն դեպքերում, երբ էնդոկրին հիվանդությունների բուժման համար պահանջվում է վիրահատական միջամտություն, բաժանմունքը՝ սերտ համագործակցելով էնդոկրին վիրաբուժության, նյարդավիրաբուժության, ընդհանուր վիրաբուժության և այլ վիրաբուժական բաժանմունքների հետ, կազմակերպում է հիպոֆիզի և մակերիկամների, հարվահանաձև և վահանաձև գեղձերի, ենթաստամոքսային գեղձի, կրծքագեղձերի ու սեռական գեղձերի մի շարք բարդ և բարձր տեխնոլոգիական վիրահատություններ: