«Էրեբունի» բժշկական կենտրոն

«Էրեբունի» ԲԿ ախտորոշիչ լաբորատորիան իրականացնում է լայնածավալ և բազմապրոֆիլ հետազոտություններ: Այն հագեցված է որակի միջազգային չափանիշներին համապատասխանող, գերժամանակակից, հզոր սարքավորումներով, լաբորատորիայում աշխատում է փորձառու և պրոֆեսիոնալ անձնակազմ: Լաբորատորիան աշխատում է առանց դադարի` շաբաթը 7 օր, 24 ժամ, օրական սպասարկելով ավելի քան 500 հիվանդի և իրականացնելով շուրջ 3000 հետազոտություն: Այս ամենը կատարվում է հնարավորինը սեղմ ժամկետներում և բարձր ճշգրտությամբ:

«Էրեբունի» ԲԿ լաբորատորիայում կատարվում է.

-բոլոր տեսակի կենսանմուշների՝ արյան, մեզի, սեռական օրգանների արտազատուկների, կղանքի, քերուկների կլինիկական և կենսաքիմիական հետազոտություններ

-արյան մակարդելիության որոշում

-իմունոլոգիական հետազոտություններ/ հորմոնալ, օնկոմարկերների, ֆերմենտների և վիտամինների որոշում/

-Էլեկտրոլիտների որոշում

-սուր պրոցեսների մարկերների քննություն

- իզոշճաբանական հետազոտությունններ /արյան խումբ և ռեզուսի պատկանելիության որոշում, հիվանդի և դոնորի էրիթրոզանգվածի համատեղելիության որոշում, հղիների հակառեզուսային հակամարնինների տիտրի որոշում/

-ինֆեկցիաների որոշում

-բակտերիոլոգիական հետազոտություններ

-ՊՇՌ, գենետիկական հետազոտություններ

-մակաբույծների ախտորոշում

-հղիության սքրինինգ/վաղ շրջանում հղիության որոշում/

Իրականացվում է ավելի քան 30 տեսակի կենսաքիմիական հետազոտություններ:«Էրեբունի» ԲԿ լաբորատորիայում օգտագործվում է ամբողջովին ավտոմատացված Cobas Integra 400+ կենսաքիմիական հետազոտության սարքավորումը, որը 1 ժամում վերլուծում է 400 թեստ է և ունի միաժամանակ 90 նմուշի տեղադրման հնարավորություն:

Այստեղ իրականացվում է սրտամկանի մարկեր հանդիսացող բարձր զգայունության Troponin-T սպիտակուցի որոշումը Cobas 411` ամբողջովին ավտոմատացված իմունոլյումինիսցենտ վերլուծիչի միջոցով, որը էքսպրես եղանակով, 10-18 րոպեների ընթացքում տրամադրում է արդյունքը:

Իրականացվում են նաեւ հորմոնալ հետազոտություններ (վահանաձև գեղձի, հարվահանաձև գեղձի, ենթաստամոքսային գեղձի, սեռական հորմոնների և այլ), ինֆեկցիաների հակամարմինների հայտնաբերում, հղիության վաղ հայտնաբերում, հղիության սքրինինգ, վիտամին D/B12 որոշում և օգանիզմի կենսունակության կարգավիճակը որոշող կարևոր այլ ցուցանիշներ:

Լաբորատորիայում կիրառվում է նաև ՊՇՌ-ի` պոլիմերազային շղթայական ռեակցիայի եղանակը` ինֆեկցիաների (սեռական ճանապարհով փոխանցվող 12 ինֆեկցիաներ), թրոմբոֆիլիայի, ֆոլատի փոխանակման ցիկլի խանգարման հետազոտությունների համար: ՊՇՌ-ն ԴՆԹ-ի ամպլիֆիկացիայի մեթոդն է, որի միջոցով մի քանի ժամվա ընթացքում միլիոնավոր անգամ կարելի է բազմապատկել (անջատել և շատացնել) ԴՆԹ-ի որոշակի հաջորդակազմ: Հետազոտությունն իրականացվում է CFX-96 BioRad բազմաֆունկցիոնալ, բարձր արագությամբ Real Time ամպլիֆիկատորի միջոցով: Այն թույլ է տալիս իրականացնել մուլտիկոմպլեքս հետազոտություններ` մինչև 5 թիրախ 96 նմուշներում: Այս մեթոդը թույլ է տալիս ախտածին մանրէրերը և վիրուսները հայտնաբերել հիվանդության շատ վաղ, դեռ ինկուբացիոն շրջանում:

Կենսանմուշների կլինիկական և բջջաբանական հետազոտություններն իրականացնում են երկար տարիների փորձ ունեցող, միջազգային և տեղական վերապատրաստումների մասնակցած բժիշկները: Բոլոր տեսակի կենսանյութերում իրականացվում են նաև բջջաբանական հետազոտություններ` սքրինինգի և ախտորոշման նպատակով:

Հարկավոր է նշել, որ առկա վերլուծիչները պարբերաբար թարմացվում են և փոխարինվում առավել հզոր և ժամանակակից, արդի բժշկության պահանջներին համապատասխանող սարքավորումներով: