Ընդհանուր նկարագրություն
Լապարասկոպիկ կամ քիչ ինվազիվ վիրաբուժությունը համարվում է նորարարական վիրաբուժական մեթոդ և ունի մի շարք առավելություններ ավանդական վիրաբուժության համեմատ: Որովայնի խոռոչի և փոքր կոնքի օրգանների վրա կատարվող լապարասկոպիկ վիրահատությունները՝ առանց ավանդական կտրվածքի, նորագույն տեխնոլոգիաների կիրառմամբ, բնութագրվում են հիվանդի համար նվազագույն վնասումով, արյունահոսության քիչ հավանականությամբ, հետվիրահատական բարդությունների ցածր մակարդակով, հոսպիտալացման սեղմ ժամկետով (1-2 օր), աշխատունակության արագ վերականգնմամբ և հիանալի կոսմետիկ արդյունավետությամբ:
Լապարասկոպիկ վիրաբուժությունը համարվում է բեկումնային վիրաբուժության ոլորտում և շատ հաճախ փոխարինում է ավանդական վիրաբուժությանը: Այն տարբեր վիրաբուժական միջամտությունների դեպքում ապահովում է առավել բարձր ճշգրտություն և առավել որակյալ արդյունք: Միևնույն ժամանակ, լապարասկոպիկ վիրաբուժությունը պահանջում է վիրաբույժի կողմից առավել բարձր հմտություն և նմանատիպ վիրահատությունների իրականացման համար նախատեսված բժշկական սարքավորումների հետ աշխատելու փորձ:
Ընդհանուր և լապարասկոպիկ վիրաբուժության բաժանմունքը Էրեբունի բժշկական կենտրոնում հիմնվել է 1993 թվ փետրվարին:
Վիրաբուժական միջամտությունների տվյալ տեսակի սպեկտրը բավականին լայն է՝ խոլեցիստէկտոմիայից (լեղապարկի հեռացում) մինչև գաստրէկտոմիա (ստամոքսի հեռացում):
Ընդհանուր և լապարասկոպիկ վիրաբուժության բաժանմունքում իրականացվում են հետևյալ լապարասկոպիկ վիրահատությունները.
- լապարասկոպիկ խոլեցիստէկտոմիա, ապենդէկտոմիա, ճողվածքահատում՝ բաց և լապարասկոպիկ մեթոդներով,
- լյարդի լապարասկոպիկ վիրահատություններ,
- լապարասկոպիկ վիրահատություններ՝ լյարդի թարախակույտերի դեպքերում,
- լապարասկոպիկ ֆունդապլիկացիա՝ ըստ Նիսենի (ստոծանու ճողվածքների ժամանակ),
- լապարասկոպիկ հեմիկոլէկտոմիա,
- ադրենալէկտոմիա,
- կպումների լապարասկոպիկ անջատում (աղիքային անանցանելիության ժամանակ),
- ստամոքսի և 12-մատնյա աղու թափածակված խոցի կարում՝ բաց և լապարասկոպիկ եղանակով,
- լապարասկոպիկ միջամտություն` ախտորոշման նպատակով,
- բարիատրիկ վիրահատություն (քաշի նվազեցման վիրաբուժություն):
Լապարասկոպիկ մուտքը վիրաբույժին հնարավորություն է տալիս միաժամանակ մի քանի վիրահատություններ կատարել որովայնի խոռոչի օրգանների վրա՝ համապատասխան ցուցումների առկայության դեպքում:
Բաժանմունքում գրեթե բոլոր լապարասկոպիկ վիրահատությունները կատարվում են ընդհանուր անզգայացմամբ: Վիրահատության ընթացքում որովայնի խոռոչը լցվում է CO2 գազով՝ տեսանելիության լավացման նպատակով, ապա փոքր կտրվածքի միջոցով տեղադրվում է տեսախցիկ, որը հնարավորություն է տալիս որովայնի խոռոչը տեսնել էկրանի վրա: Այս վիրահատությունները կարելի է կատարել բոլոր տարիքի հիվանդներին:
Լապարասկոպիկ վիրահատությունները պահանջում են մասնագիտացում և վիրաբույժի պատրաստվածության բարձր մակարդակ:
Բաժանմունքը հագեցած է առաջատար եվրոպական ընկերությունների նորագույն սարքավորումների լայն սպեկտրով:
|
Կրթական նյութեր մասնագետների համար
|
Կրթական նյութեր պացիենտի համար
|
| Լապարասկոպիկ ապենդէկտոմիա | |
| Ախտորոշիչ լապարասկոպիա |
Բաժանմունքի գործունեության հիմնական և առաջնահերթ ուղղություններն են.
- լապարասկոպիկ կոլէկտոմիան՝ կոլոնոռեկտալ քաղցկեղի բուժման եղանակներից, որի իրականացման ընթացքում հեռացվում են ուղիղ աղին և խթաղին,
- ստամոքսի լապարասկոպիկ թևքային մասնահատումը՝ ճարպակալման բուժման եղանակներից, որի ընթացքում ստամոքսը ստանում է թևնոցի ձև, քանի որ օրգանի մի մասը հեռացվում է երկայնական առանցքով,
- լապարասկոպիկ գաստրոշունտավորումը՝ ճարպակալման բուժման վիրահատական եղանակ, որի իրականացման ընթացքում ստամոքսի վերին հատվածում ձևավորվում է պահեստարան (ռեզերվուար),
- բարակ աղու լապարասկոպիկ մասնահատումը, որը ուռուցքների, Կրոնի հիվանդության, տասներկումատնյա աղու խոցի, սուր աղիքային անանցանելիության, ճողվածքների և այլ հիվանդությունների ժամանակ բարակ աղու մի մասի հեռացման վիրահատական միջամտություն է,
- լապարասկոպիկ հերնիոպլաստիկան՝ պորտային ճողվածքի հեռացման նվազագույն միջամտական վիրահատություն,
- փայծաղի լապարասկոպիկ հեռացումը:
Բոլոր ծառայությունները
- Անեսթեզիոլոգիայի բաժանմունք
- Ընդհանուր և կրծքավանդակի վիրաբուժության բաժանմունք
- Ընդհանուր և լապարասկոպիկ վիրաբուժության բաժանմունք
- Մինիմալ-ինվազիվ վիրաբուժության բաժանմունք
- Էսթետիկ և դիմածնոտային վիրաբուժության բաժանմունք
- Կոլոպրոկտոլոգիայի բաժանմունք
- Էնդոկրին վիրաբուժության բաժանմունք
- Քիթ-կոկորդ-ականջ հիվանդությունների բաժանմունք
- Պլաստիկ և միկրովիրաբուժության բաժանմունք
- Ուրոլոգիական բաժանմունք
- Օրթոպեդիայի և վնասվածքաբանության բաժանմունք
- Անոթային վիրաբուժության բաժանմունք
- Մամոլոգիայի եւ կրծքագեղձի վիրաբուժության ծառայություն
- Դժվար լավացող վերքերի և լիմֆադեմաների բուժման ծառայություն
